କେନ୍ଦ୍ରକୁ ଚିଦାମ୍ବରମଙ୍କ ଟାର୍ଗେଟ : ମନୁଷ୍ୟକୃତ ଭୁଲ ପାଇଁ ଭଗବାନଙ୍କୁ ଦୋଷ ଦିଅନି
କେନ୍ଦ୍ରକୁ ଚିଦାମ୍ବରମଙ୍କ ଟାର୍ଗେଟ : ମନୁଷ୍ୟକୃତ ଭୁଲ ପାଇଁ ଭଗବାନଙ୍କୁ ଦୋଷ ଦିଅନି
admin
6317
ନୂଆଦିଲ୍ଲୀ : ଅର୍ଥନୀତିର ଦୂରାବସ୍ଥାକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମ । ବିପର୍ଯ୍ୟସ୍ତ ଅର୍ଥନୀତି ପଛରେ ଭଗବାନ ନୁହନ୍ତି ବରଂ କିଛି ମଣିଷଙ୍କ ହାତ ରହିଛି ବୋଲି ଚିଦାମ୍ବରମ କହିଛନ୍ତି । ମନୁଷ୍ୟକୃତ ଭୁଲ ପାଇଁ ଭଗବାନଙ୍କୁ ଦୋଷ ଦେବା ଆଦୌ ଯୁକ୍ତିଯୁକ୍ତ ନୁହେଁ ବୋଲି ଚିଦାମ୍ବରମ କହିଛନ୍ତି । ଏକ ଟିଭି ଚ୍ୟାନେଲକୁ ସାକ୍ଷାତକାର ସମୟରେ ଚିଦାମ୍ବରମ ଏହି ସୂଚନା ଦେଇଛନ୍ତି । ଦେଶର ଜିଡିପି ୨୪ ପ୍ରତିଶତ ତଳକୁ ଖସିଥିବା ବେଳେ ସରକାରଙ୍କ ରିଲିଫ ପ୍ୟାକେଜ ହାସ୍ୟାସ୍ପଦ ବୋଲି ମଧ୍ୟ ଚିଦାମ୍ବରମ କହିଛନ୍ତି । ସେହିପରି ସରକାରଙ୍କ ମୁଖ୍ୟ ଅର୍ଥନୈତିକ ପରାମର୍ଶଦାତା କେ ଭି ସୁବ୍ରମଣ୍ୟମଙ୍କୁ ମଧ୍ୟ ସମାଲୋଚନା କରିଛନ୍ତି ଚିଦାମ୍ବରମ । ଲକଡାଉନ କାରଣରୁ ଜିଡିପି ତଳୁଆ ରହିଥିବା ବେଳେ ଆଗାମୀ ଦିନରେ ଏହା ତୁରନ୍ତ ଉପରକୁ ଉଠିବ । ମୁଖ୍ୟ ଅର୍ଥନୈତିକ ପରାମର୍ଶଦାତା ଶେଷଥର ପାଇଁ କେବେ ପ୍ରଧାନମନ୍ତ୍ରୀ ଏବଂ ଅର୍ଥମନ୍ତ୍ରୀଙ୍କ ସହିତ କଥା ହୋଇଥିଲେ ବୋଲି ଚିଦାମ୍ବରମ ପ୍ରଶ୍ନ କରିଛନ୍ତି ।
