ଦିନକୁ ଗୋଟେ ଅଣ୍ଡା ଖାଇଲେ ହୋଇଥାଏ ଏହି ଉପକାର

Feb 1, 2020 - 12:15 Updated: Feb 1, 2020 - 12:15

4264

ସୁସ୍ଥ ଜୀବନଶୈଳୀ ଅତିବାହିତ ନିମନ୍ତେ ନିଜ ଖାଦ୍ୟପାନୀୟ ପ୍ରତି ସତର୍କ ରହିବା ଉଚିତ । ଖାଦ୍ୟବିଶେଷଜ୍ଞ ନିୟମିତ ଭାବେ ପରାମର୍ଶ ଦେଇଥାନ୍ତି ପ୍ରୋଟିନ ଭରପୁର ଅଣ୍ଡା ସମସ୍ତେ ଖାଇବା ସ୍ୱାସ୍ଥ୍ୟ ନିମନ୍ତେ ହିତକାରୀ । କେତେଜଣଙ୍କ ଧାରଣା ଯେ ଅଣ୍ଡା ଖାଇଲେ ହୃଦରୋଗ ହେବାର ଆଶଙ୍କା ବଢ଼େ । କୋଲେଷ୍ଟରଲ ସ୍ତର ମଧ୍ୟ ବୃଦ୍ଧି ପାଏ । ୧୮ ମାସ କାନାଡାର ବିଶେଷଜ୍ଞ ଦଳ ଅନୁଧ୍ୟାନ କରିବା ପରେ ପ୍ରକାଶ କରିଛନ୍ତି ଅଧିକ ପରିମାଣରେ ଅଣ୍ଡା ଖାଇବା ସ୍ୱାସ୍ଥ୍ୟ ପାଇଁ ବିପଦ । ପ୍ରତିଦିନ ସକାଳ ଜଳଖିଆରେ ଗୋଟିଏ ଅଣ୍ଡା ଖାଇଲେ ତାହା ଶରୀରକୁ ଶକ୍ତି ଯୋଗାଇବା ସହ ପ୍ରତିରୋଧକ ଶକ୍ତି ବଢ଼ାଇଥାଏ । ଗୋଟିଏରୁ ଅଧିକ ଅଣ୍ଡା ଖାଇଲେ ତାହାର କୁପ୍ରଭାବ ଅବଶ୍ୟ ପଡ଼ିଥାଏ । ପ୍ରତ୍ୟେକ ଖାଦ୍ୟ ଆବଶ୍ୟକ ପରିମାଣରେ ଖାଇଲେ ତାହାର କୁପ୍ରଭାବ ପଡିନଥାଏ ବୋଲି ସମସ୍ତେ ଅବଗତ । ଗୋଟିଏ ଅଣ୍ଟାରେ ୬ ଗ୍ରାମ ପ୍ରୋଟିନ, ୫ ଗ୍ରାମ ହେଲଦି ଫ୍ୟାଟ୍ ଥାଏ । ୫ ହଜାର ଲୋକଙ୍କୁ ସାମିଲ କରି କାନାଡ଼ାର ଗବେଷକ ଦଳ କରିଥିବା ଗବେଷଣାରେ ଜଣାପଡ଼ିଥିଲା ଯେ ୭୦% ଲୋକ ନିୟମିତ ଗୋଟଏ ଲେଖାଏଁ ଅଣ୍ଡା ଖାଇବା ସତ୍ତ୍ୱେ ସେମାନଙ୍କର କୋଲେଷ୍ଟରଲ ସ୍ତର ବଢ଼ିନଥିଲା । ଅପନ୍ୟ ୩୦% ବ୍ୟକ୍ତି ଦୈନିକ ୨-୩ଟି ଅଣ୍ଡା ଖାଇବା କାରଣରୁ ସେମାନଙ୍କର ଶାରୀରିକ ଅସୁବିଧା ଉପୁଜିଥିଲା । ଏବେଠାରୁ ନିଜ ଡାଏଟ ତାଲିକାରେ ଗୋଟିଏ ଅଣ୍ଡା ସାମିଲ କରି ଏକ ସୁସ୍ଥ ଜୀବନ ଶୈଳୀ ଅତିବାହିତ କରନ୍ତୁ ।