ପିଡିଏସ ଚାଉଳ ବଂଟନ ବେଳେ ବାୟୋମେଟି୍ରକ ମେସିନ ବ୍ୟବହାର ବନ୍ଦ ହେଉ : କଂଗ୍ରେସ
ପିଡିଏସ ଚାଉଳ ବଂଟନ ବେଳେ ବାୟୋମେଟି୍ରକ ମେସିନ ବ୍ୟବହାର ବନ୍ଦ ହେଉ : କଂଗ୍ରେସ
admin
4703
ଭୁବନେଶ୍ୱର - ରାଜ୍ୟରେ ଏବେ ପି ଡି ଏସ ଚାଉଳ ଏବଂ କେନ୍ଦ୍ର ସରକାର ମେ ଓ ଜୁନ ମାସ ପାଇଁ ଦେଇଥିବା ଚାଉଳ ବଂଟାଯିବାର ଯୋଜନା ରହିଛି । ଗତ ମେ ୧ ତାରିଖରୁ କିଛି ଜାଗାରେ ତାହା ବଂଟା ଆରମ୍ଭ ହୋଇ ସାରିଛି । ମାତ୍ର ଏହାକୁ ବାଂଟିବା ବେଳେ ଯେଉଁ ବାୟୋମେଟ୍ରିକ ବା ଇ –ପୋସ ମେସିନ ବ୍ୟବହାର କରାଯିବାର ନିୟମ ଅଛି ତାହା ବର୍ତମାନ କରୋନା ମହାମାରୀର ପ୍ରବଳ ପ୍ରାଦୁର୍ଭାବ ସମୟରେ ଆତ୍ମଘାତି ହେବ । ଆଖିର ଫଟୋ ନେବା ସହିତ ଆଙ୍ଗୁଳି ଟିପ ନେବା ଦ୍ୱାରା କରୋନା ସଂକ୍ରମଣ ବ୍ୟାପିବାର ସମ୍ଭାବନା ରହିଛି । ରାଜ୍ୟରେ ଅନେକ କଂଟ୍ରୋଲ ଦୋକାନୀ କରୋନାରେ ମୃତୁ୍ୟବରଣ କରିସାରିଲେଣି । ବର୍ତମାନ ଦ୍ୱିତୀୟ କରୋନା ଲହରୀ ସମୟରେ ଗ୍ରାମାଂଚଳରେ ଏହା ବେଶୀ ବ୍ୟାପୁଛି । ବାୟୋମେଟ୍ରିକ ମେସିନ ବ୍ୟବହାର ହେଲେ କରୋନା ସଂକ୍ରମଣ ଆହୁରି ବଢ଼ିବ । ତେଣୁ ସରକାର ଏହାକୁ ବନ୍ଦ କରିବାକୁ କଂଗ୍ରେସ ପକ୍ଷରୁ ରାଜ୍ୟ ମୁଖପାତ୍ର ଶ୍ରୀ ସୁଦର୍ଶନ ଦାସ ଦାବୀ କରିଛନ୍ତି । ଏକ ଟ୍ୱିଟ ଯୋଗେ ସେ ରାଜ୍ୟର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଓ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗର ମନ୍ତ୍ରୀ ଶ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ଦୃଷ୍ଟି ଆକର୍ଷଣ କରିଛନ୍ତି । ପ୍ରକାଶ ଥାଉକି ଓଡ଼ିଶା ସରକାରୀ ରିଟେଲ ବିକ୍ରେତା ୱେଲଫେଆର ସମିତି ପକ୍ଷରୁ ଏହି ସମସ୍ୟା ପ୍ରତି ବାରମ୍ବାର ଦୃଷ୍ଟି ଆକର୍ଷଣ ପୂର୍ବକ ବିଭାଗୀୟ ମନ୍ତ୍ରୀ ତଥା ମୁଖ୍ୟମନ୍ତ୍ରୀଙ୍କୁ ଦାବିପତ୍ର ଦିଆଯାଇଛି । ସେମାନଙ୍କର ଦାବୀ ଯର୍ଥାଥ ଏବଂ ରାଜ୍ୟ ସରକାର ତୁରନ୍ତ ବାୟୋମେଟ୍ରିକ ଯନ୍ତ୍ର ବନ୍ଦ କରି ସେମାନଙ୍କ ତଥା ଖାଉଟି ମାନଙ୍କର ସୁରକ୍ଷା ଦିଅନ୍ତୁ । ବାୟୋମେଟ୍ରିକ ଯନ୍ତ୍ର ବ୍ୟବହାର ଦ୍ୱାରା ବିଦେଶ ଫେରନ୍ତା ପ୍ରବାସୀ ମାନେ ମଧ୍ୟ ଅନେକ ଚାଉଳ ପାଇବାର ବଂଚିତ ହେବେ । ଏସମସ୍ତ କଥାକୁ ବିଚାରକୁ ନେଇ ସରକାର ତୁରନ୍ତ ନିଷ୍ପତି ନେଇ ଚାଉଳ ବାଂଟିବା ସମୟରେ ବାୟୋମେଟ୍ରିକ ବ୍ୟବହାର କୁ ପ୍ରତ୍ୟାହାର କରନ୍ତୁ ବୋଲି ଏକ ପ୍ରେସ ବିଜ୍ଞପ୍ତିରେ କଂଗ୍ରେସ ମୁଖପାତ୍ର ଶ୍ରୀ ଦାସ ଏବଂ ସୋସିଆଲ ମିଡ଼ିଆ ଅଧ୍ୟକ୍ଷ ଶ୍ରୀ ମହାନନ୍ଦ ଦାବୀ କରିଛନ୍ତି ।
