ପେଟ ପାଇଁ ନାଟ, ଆଶ୍ରା ପାଲଟିଛି ଫୁଟପାଥ୍
ପେଟ ପାଇଁ ନାଟ, ଆଶ୍ରା ପାଲଟିଛି ଫୁଟପାଥ୍
admin
4581
ପାରାଦ୍ୱୀପ :(ଲକ୍ଷ୍ମୀନାରାୟଣ ସାହୁ): ଦେଶର ଭବିଷ୍ୟତ ଏମାନେ । ଆସନ୍ତା କାଲିପାଇଁ ଦେଶ ଏମାନଙ୍କୁକନେଇ ସ୍ୱପ୍ନ ଦେଖୁଛି । ଦେଶର ସୁରକ୍ଷ୍ୟାରେ ସହଯୋଗିତା କରିବା ପାଇଁ ସୋନବାହିନୀରେ ନିଯୁକ୍ତି ନିମନ୍ତେ ମନବଳାଇଛନ୍ତି ଏମାନେ, କାହିଁ କେତେ ବାଟରୁ ଧାଇଁ ଚାଲିଆସୁଛନ୍ତି । ଆଉ ଏଠି ଆସି ଖରାର ଶିଝିଶିଝି ଟିକିଏ ଆଶ୍ରାପାଇଁ ଫୁଟପାଥ୍ କୁ ଆପଣେଇ ନେଇଛନ୍ତି । ଏଦୃଶ୍ୟ ହେଉଛି ଏବେ ବନ୍ଦର ନଗରୀ ପାରାଦ୍ୱୀପର । ସ୍ଥାନୀୟ ଗୋପବନ୍ଧୁ ଷ୍ଟାଡିୟମରେ ଚାଲିଛି ସେନା ବାହିନୀର ନିଯୁକ୍ତି ରାଲି । ଗତ ୧୮ ତାରିଖରୁ ଆସନ୍ତା ୨୪ତାରିଖ ପର୍ଯ୍ୟନ୍ତ ରାଲିରେ ଭାଗନେବା ପାଇଁ କଟକ, ମୟୁରଭଞ୍ଜ, କେନ୍ଦ୍ରାପଡା, ଜଗତସିଂହପୁର, ନୟାଗଡ, ବାଲେଶ୍ୱର, ଖୋର୍ଦ୍ଧା, ଯାଜପୁର, ପୁରୀ ଏବଂ ଭଦ୍ରକ ଜିଲ୍ଲାର ମୋଟ ୧୮ ହଜାର ୨୪୭ଜଣ ଅନଲାଇନ୍ ମାଧ୍ୟମରେ ନିଜ ନାମ ପଞ୍ଜିକରଣ କରିଛନ୍ତି । ପ୍ରତିଦିନ ହଜାର ହଜାର ପିଲାଙ୍କ ଭିଡ ଜମୁଥିବା ବେଳେ ଏମାନଙ୍କ ପାଇଁ ଜିଲ୍ଲାପ୍ରଶାସନ ପକ୍ଷ୍ୟରୁ, ପାରାଦ୍ୱୀପ କଲେଜ, ମୁ୍ୟନିସପାଲଟି ଉଚ୍ଚବିଦ୍ୟାଳୟ, ମୁ୍ୟନିସପାଲଟି ବାଳିକା ଉଚ୍ଚବିଦ୍ୟାଳୟ, ସଞ୍ଜୟଗାନ୍ଧୀ ଉଚ୍ଚବିଦ୍ୟାଳୟ ଓ ସରସ୍ୱତୀ ଶିଶୁ ମନ୍ଦିର ପାରାଦ୍ୱୀପରେ ରହିବା ପାଇଁ ବ୍ୟବସ୍ଥା କରାଯାଇଛି । କିନ୍ତୁ ଏହିସବୁ ସ୍ଥାନ ଗୋପବନ୍ଧୁ ଷ୍ଟାଡିୟମ ଠାରୁ ଢେର ଦୂର ଓ ସେଠାରେ ବଜାର ଘାଟ ନଥିବାରୁ ପିଲାମାନେ ନୂଆବଜାର ସାଇମନ୍ଦିର କଡ ଆଦି ଫୁଟ୍ପାଥ୍ କୁ ଆଶ୍ରା କରି ଦିନରାତି ଶୋଇପଡୁଥିବା ଦେଖାଯାଉଛି । ପ୍ରତିଦିନ ଶହଶହ ପିଲା ପେଟ ପାଇଁ ଚାକିରୀ ଖଣ୍ଡେ କରିା ଆଶାରେ ବଡ ଡହଳ ବିକଳ ହେଉଥିବାା ଓ ରାସ୍ତାଘାଟ ଫୁଟପାଥ୍ କୁ ଆଶ୍ରା କରୁଥିବା ବେଳେ ପ୍ରଶାସନ ପକ୍ଷ୍ୟରୁ ଏମାନକୁ ବାରଣ କରିବା ପାଇଁ କେହି ତପ୍ତରତା ପ୍ରକାଶ କରୁନଥିବା ଦେଖାଯାଉଛି ।
