ପ୍ରମୋଦ ମିଶ୍ର ନମ୍ବର ୱାନ ପ୍ରଶାସକ
ପ୍ରମୋଦ ମିଶ୍ର ନମ୍ବର ୱାନ ପ୍ରଶାସକ
admin
1910
ଭୁବନେଶ୍ୱର: ଓଡ଼ିଶାବାସୀଙ୍କ ପାଇଁ ଖୁସି ଖବର । ଦିଲ୍ଲୀ ଦରବାରରେ ଓଡ଼ିଆ ପୁଅଙ୍କ ମଧ୍ୟରୁ ୩ ଜଣ ଦେଶର ଶ୍ରେଷ୍ଠ ପ୍ରଶାସକ ଭାବେ ବିବେଚିତ ହୋଇଛନ୍ତି । ପ୍ରତିଷ୍ଠିତ ମାଗାଜିନ ‘ଇଣ୍ଡିଆ ଟୁଡେ’ ପକ୍ଷରୁ ପାୱାର ଲିଷ୍ଟ ୨୦୨୦ର ସ୍ୱତନ୍ତ୍ର ସଂଖ୍ୟା ପ୍ରକାଶ ପାଇଛି । ଏଥିରେ ଦେଶର ୧୦ ଜଣ ଶ୍ରେଷ୍ଠ ଶକ୍ତିଶାଳୀ (ସୁପରକ୍ରାଟସ)ଙ୍କୁ ଚୟନ କରାଯାଇଛି । ନିଜ କ୍ଷେତ୍ରରେ ଅତି କୁଶଳୀ ଭାବେ କାମ କରି ସୁନାମ ଅର୍ଜନ କରିଥିବା ୩ ଜଣ ଓଡ଼ିଆ ଏହି ତାଲିକାରେ ଅଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରମୁଖ ସଚିବ ପ୍ରମୋଦ କୁମାର ମିଶ୍ର ଏ ର୍ୟାଙ୍କିଂରେ ଶୀର୍ଷରେ ଅଛନ୍ତି । ସେ ଦେଶର ସବୁଠାରୁ କ୍ଷମତାଶାଳୀ ଓ ଦକ୍ଷ ପ୍ରଶାସକ ଭାବେ ମନୋନୀତ ହୋଇ ରାଜ୍ୟ ପାଇଁ ଗୌରବ ଆଣିଛନ୍ତି । ଏ ଟପଟେନ ତାଲିକାରେ ରିଜର୍ଭବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ ତୃତୀୟ ସ୍ଥାନରେ ଥିଲା ବେଳେ ଦେଶର ମହାଲେଖା ନିୟନ୍ତ୍ରକ ଓ ମହାସମୀକ୍ଷକ (କମ୍ପଟ୍ରୋଲର ଆଣ୍ଡ ଅଡିଟର ଜେନେରାଲ) ଗିରୀଶ ଚନ୍ଦ୍ର ମୁର୍ମୁ ୭ମ ସ୍ଥାନରେ ଅଛନ୍ତି । ଦିଲ୍ଲୀରୁ ଏ ଖବର ପ୍ରଚାର ହେବା ପରେ ଏବେ ଏହି ୩ ଓଡ଼ିଆଙ୍କୁ ପାଖକୁ ଛୁଟିଛି ଶୁଭେଚ୍ଛାର ସୁଅ ।
