ମାହାଙ୍ଗା ଡବଲ ମର୍ଡର: ୪ ଗିରଫ
ମାହାଙ୍ଗା ଡବଲ ମର୍ଡର: ୪ ଗିରଫ
admin
3771
ଭୁବନେଶ୍ୱର:ମାହାଙ୍ଗା ବିଜେପି ନେତା ଓ ସହଯୋଗୀଙ୍କୁ ହତ୍ୟା ମାମଲାରେ କଟକ ଗ୍ରାମାଚଂଳ ପୋଲିସ ଦ୍ୱାରା ୪ ଜଣ ଅଭିଯୁକ୍ତ ଗିରଫ କରାଯାଇଛି । ମୁଖ୍ୟ ଅଭିଯୁକ୍ତ ସମେତ ୪ ଜଣ ଅଭିଯୁକ୍ତ ଗିରଫ କରାଯାଇଛି । ମୁଖ୍ୟ ଅଭିଯୁକ୍ତ ପଂଚାନନ ସେଠୀ, ଅରବିନ୍ଦ ଖଟୁଆ, ପ୍ରୀତୀଶ ଆଚାର୍ଯ୍ୟ, ଲଳିତ ମୋହନ ବରାଳକୁ ଗିରଫ ଗିରଫ କରାଯାଇଛି । ହତ୍ୟାରେ ବ୍ୟବହୃତ ମାରଣାସ୍ତ୍ର ମଧ୍ୟ ଜବତ କରାଯାଇଛି । ମାମଲାରେ ତଦନ୍ତ ଚାଲିଛି, ଅଧିକ ତଥ୍ୟ ମିଳିଲେ ଜଣାଇ ଦିଆଯିବ ବୋଲି ଗ୍ରାମାଚଂଳ ଏସପି କହିଛନ୍ତି ।
ସୂଚନାଯୋଗ୍ୟଯେ, ମାହାଙ୍ଗା ପଂଚାୟତ ସମିତିର ପୂର୍ବତନ ଅଧ୍ୟକ୍ଷ ତଥା ବିଜେପି ନେତା କୁଳମଣି ବରାଳ ଓ ତାଙ୍କ ସମ୍ପର୍କୀୟ ଦିବ୍ୟସିଂହ ବରାଳଙ୍କୁ ଦୁର୍ବୃତମାନେ ନିର୍ମମ ଭାବେ ହତ୍ୟା କରିଥିଲେ । ଏନେଇ ବିକ୍ଷୋଭ ଓ ଧାରଣା ହୋଇଥିବାବେଳେ ଏଥିରେ ବିଜେଡ଼ି ନେତାଙ୍କ ସଂପୃକ୍ତି ରହିଛି ବୋଲି ମୃତକଙ୍କ ପରିବାର ବର୍ଗ ଅଭିଯୋଗ କରିଛନ୍ତି । ଏପରିକି ଆଇନ ମନ୍ତ୍ରୀଙ୍କ ଭୂମିକା ଉପରେ ବି ମୃତକଙ୍କ ପରିବାର ବର୍ଗ ଆରୋପ ଲଗାଇଛନ୍ତି । ସେହିପରି ଡିସେମ୍ବର ୨୭ ରାତିରେ ଗଣ୍ଡଗୋଳ ଘଟିଥିବାବେଳେ ପୁଲିସ କାହିଁକି ଚୁପ ବସିଥିଲା ବୋଲି ମଧ୍ୟ ପ୍ରଶ୍ନ ଉଠିଛି ।
