ଯୁବକଙ୍କୁ ତଂଟିଚିପି ହତ୍ୟା କରି ବିଲରେ ଫିଙ୍ଗିଦେଲା ଆଉଜଣେ ଯୁବକ ।
ଯୁବକଙ୍କୁ ତଂଟିଚିପି ହତ୍ୟା କରି ବିଲରେ ଫିଙ୍ଗିଦେଲା ଆଉଜଣେ ଯୁବକ ।
admin
2245
କେନ୍ଦୁଝର ଜିଲ୍ଲା ଘସିପୁରା ଥାନା ଅଂଚଳରେ ଚାଂଚଲ୍ୟ । ଯୁବକଙ୍କୁ ତଂଟିଚିପି ହତ୍ୟା କରି ବିଲରେ ଫିଙ୍ଗିଦେଇଛି ଆଉଜଣେ ଯୁବକ । ଘସିପୁରା ଥାନା ଅନ୍ତର୍ଗତ କୁମୁଡ ଗାଁର ଦିବାକର ନାଇକ ନାମକ ଜଣେ ଯୁବକଙ୍କୁ ନିର୍ମମ ଭାବେ ହତ୍ୟା କରାଯାଇଛି। ପୂର୍ବ ଶତ୍ରୁତାରୁ ଏହି ହତ୍ୟାକାଣ୍ଡ ଘଟିଥିବା ସୂଚନା ମିଳିଛି ।
ସୂଚନା ଅନୁସାରେ, ଗତକାଲି ସକାଳେ କୋଳିମାଟି ପଞ୍ଚାୟତର କୁମୁଡ ଗାଁର ଦିବାକର ନାଇକଙ୍କ ଜଣେ ସଂପର୍କୀୟ ଭାଉଜଙ୍କୁ ସେହି ଗାଁର ଅଯୋଧ୍ୟା ନାଇକ ନାମକ ଜଣେ ଲୋକ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହିତ ମାରପିଟ କରିଥିଲେ। ଏହା ଦେଖି ଦିବାକର ଭାଉଜଙ୍କୁ ରକ୍ଷା କରିବା ଲାଗି ଚେଷ୍ଟା କରିଥିଲେ। ଏହାପରେ ଅପରାହ୍ନରେ ଅଯୋଧ୍ୟା ନାଇକଙ୍କ ପୁଅ ସିପୁ ଦିବାକରଙ୍କୁ ଜୀବନରୁ ମାରିବାକୁ ଧମକ ଦେଇଥିଲା। ସିପୁ ଓ ତା’ର ସହଯୋଗୀମାନେ ଦିବାକରଙ୍କୁ ରାତି ପ୍ରାୟ ୮ଟା ବେଳେ ଏକୁଟିଆ ପାଇ ତାଙ୍କୁ କାବୁ କରି ତଣ୍ଟି ଚିପି ହତ୍ୟା କରି ନିକଟସ୍ଥ ବିଲରେ ଫିଙ୍ଗି ଦେଇ ଚାଲିଯାଇଥିଲେ।
ଏହାପରେ ଖବର ପାଇ ଘସିପୁରା ଥାନା ପୁଲିସ୍ ଘଟଣାସ୍ଥଳରେ ପହଞ୍ଚିଥିଲା। ଏହାପରେ ରାତି ପାଖାପାଖି ୧୨ଟା ବେଳେ ଅଭିଯୁକ୍ତ ସିପୁକୁ ପୁଲିସ ଉଠାଇ ଆଣି ଘସିପୁରା ଥାନାରେ ଅଟକ ରଖି ପଚରାଉଚୁରା କରୁଥିବା ଜଣାଯାଇଛି। କେନ୍ଦୁଝରରୁ ସାଇଣ୍ଟିଫିକ୍ ଟିମ୍ ଆସିବା ପରେ ତଦନ୍ତ କରିବା ସହିତ ଶବ ବ୍ୟବଚ୍ଛେଦ କରାଯିବ ବୋଲି ଜଣାଯାଇଛି।
