ରାଜ୍ୟ କ୍ୟାବିନେଟ୍ର ଗୁରୁତ୍ବପୂର୍ଣ୍ଣ ନିଷ୍ପତ୍ତି : ଓଡ଼ିଶା ଜିଏସ୍ଟି ଆଇନ ସଂଶୋଧନ ଅଧ୍ୟାଦେଶ ବିଲ୍କୁ ମଞ୍ଜୁରୀ
ରାଜ୍ୟ କ୍ୟାବିନେଟ୍ର ଗୁରୁତ୍ବପୂର୍ଣ୍ଣ ନିଷ୍ପତ୍ତି : ଓଡ଼ିଶା ଜିଏସ୍ଟି ଆଇନ ସଂଶୋଧନ ଅଧ୍ୟାଦେଶ ବିଲ୍କୁ ମଞ୍ଜୁରୀ
admin
5824
ଭୁବନେଶ୍ବର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଆଜି ରାଜ୍ୟ କ୍ୟାବିନେଟ୍ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି । ଓଡ଼ିଶା ଦ୍ରବ୍ୟ ଓ ସେବା କର ସଂଶୋଧନ ପ୍ରସ୍ତାବକୁ ମଞ୍ଜୁରୀ ଦିଆଯାଇଛି । ସଂଶୋଧିତ ବ୍ୟବସ୍ଥା ଅନୁସାରେ ପଞ୍ଜୀକୃତ ଟିକସଦାତା ଉପକୃତ ହେବେ । ଓଡ଼ିଶା ଲୋକାଲ୍ ଫଣ୍ଡ୍ ଅଡିଟ୍ ସଂଶୋଧନ ପ୍ରସ୍ତାବକୁ ବି ମଞ୍ଜୁରୀ ମିଳିଛି । ଏହି ବୈଠକରେ ସୁବର୍ଣ୍ଣରେଖା ନଦୀରେ ହାଇଲେବଲ୍ ବ୍ରିଜ୍ ନିର୍ମାଣ ପ୍ରସ୍ତାବକୁ ମଞ୍ଜୁରୀ ମିଳିଛି । ଏହି ବ୍ରିଜ୍ ବାଲିଆପାଳ ଓ ଭୋଗରାଇ ବ୍ଲକୁ ସଂଯୋଗ କରିବ । ବାଲିଆପାଳ ଜାମକୁଣ୍ଡରୁ ଭୋଗରାଇ ଅଡଙ୍ଗପନ୍ତେଇକୁ ସଂଯୋଗ କରିବ । ଏଥିପାଇଁ ୧୩୮ କୋଟି ବ୍ୟୟବରାଦ ରହିଥିବାବେଳେ ୩୦ ମାସ ମଧ୍ୟରେ କାର୍ୟ୍ୟ ସରିବ ବୋଲି ସୂଚନା ରହିଛି ।
