୫୧୦ ଗ୍ରାମର ବ୍ରାଉନସୁଗାର ଜବତ

Jun 25, 2021 - 09:08 Updated: Jun 25, 2021 - 09:08

2431

ଭଦ୍ରକ: ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଏରେଇଁ ଅଞ୍ଚଳରେ ଜଣେ ଯୁବକ ବାଇକ୍ ଯୋଗେ ବ୍ରାଉନସୁଗାର ନେଇ ଯାଉଥିବା ବେଳେ ପୋଲିସ ହାବୁଡରେ ପଡିଛନ୍ତି। ଯୁବକଙ୍କ ନିକଟରୁ ୫୧୦ ଗ୍ରାମର ବ୍ରାଉନସୁଗାର ଜବତ କରିବା ସହ ଅଭିଯୁକ୍ତକୁ ଗିରଫ କରିଛି ପୋଲିସ। ସୂଚନାନୁଯାୟୀ, ଏରେଇଁ ଅଞ୍ଚଳରେ ଜଣେ ଯୁବକ ବାଇକ୍ ଯୋଗେ ବ୍ରାଉନସୁଗାର ନେଇ ଯାଉଥିଲେ। ଏହି ସମୟରେ ଭଦ୍ରକ ଟାଉନ ଥାନା ପୋଲିସ ଖବର ପାଇ ୧୬ ନମ୍ବର ଜାତୀୟ ରାଜପଥ ଧାମରା ରେଳ ଓଭରବ୍ରିଜ୍ ନିକଟରେ ବାଇକ୍ ଅଟକାଇ ଚେକିଂ କରିଥିଲା। ଚେକିଂ ବେଳେ ଯୁବକଙ୍କ ନିକଟରେ ୫୧୦ କେ.ଜି ବ୍ରାଉନସୁଗାର ଜବତ କରିଛି। ତେବେ ଅଭିଯୁକ୍ତ ଜଳେଶ୍ଵରରୁ ବ୍ରାଉନସୁଗାର ଆଣୁଥିବା ପଚରାଉଚୁରା ବେଳେ ପୋଲିସ ନିକଟରେ ସ୍ଵୀକାର କରିଛି। ଅଭିଯୁକ୍ତ ହେଲେ ଏରେଇଁ ଅଞ୍ଚଳର ଏସକେ ରାବୁଲ। ସେ ବ୍ରାଉନସୁଗାର ସମେତ ଅନ୍ୟ ଅପରାଧିକ ମାମଲାରେ ମଧ୍ୟ ଜଡିତ। ସେପଟେ ଅଭିଯୁକ୍ତ ଯୁବକ ଗିରଫ ହେବା ପରେ ଏହା ପଛରେ ଥିବା ମାଷ୍ଟରମାଇଣ୍ଡକୁ ଖୋଜୁଛି ପୋଲିସ।