୯୦ କୋଟି ବଜେଟର ତିଆରି ସୁପର ହିରୋ
୯୦ କୋଟି ବଜେଟର ତିଆରି ସୁପର ହିରୋ
admin
6367
ପାର୍ଟନର, ୱେଲକମ, ରେସ, ଏକ୍ ଥା ଟାଇଗର, ଭାରତ ଭଳି ସୁପରହିଟ୍ ଫିଲ୍ମରେ ଅଭିନୟ କରି ବଲିଉଡ଼ରେ ନିଜର ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି ଚିକନି ଚମେଲି କ୍ୟାଟ୍ରିନା କୈଫ । ତାଙ୍କ ଅଭିନୀତ ‘ସୂର୍ଯ୍ୟବଂଶୀ’ ଏବେ ରିଲିଜ ଅପେକ୍ଷାରେ । ଇତିମଧ୍ୟରେ ତାଙ୍କୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ଅଲି ଅଦାସ ଜଫରଙ୍କ ଅପକମିଙ୍ଗ ଫିଲ୍ମରେ ନଜର ଆସିବେ ଏହି ସୁନ୍ଦରୀ । ଏଇଟି ଏକ ସୁପରହିରୋ ଫିଲ୍ମ । ଏଥିରେ ମେନ ଲିଡ ଭୂମିକାରେ କ୍ୟାଟ୍ରିନା ଅଭିନୟ କରିବେ । ପ୍ରାୟ ୯୦ କୋଟି ବଜେଟ୍ର ଏହି ଫିଲ୍ମଟି ନିର୍ମାଣ ହେବ ବୋଲି ଏକ ଖବର ସଂସ୍ଥା ପକ୍ଷରୁ ସୂଚନା ମିଳିଛି । ଏଥିରେ ପ୍ରଥମ ଥର କ୍ୟାଟ୍ରିନାଙ୍କର କିଛି ଦମଦାର ଷ୍ଟଣ୍ଟ ଦେଖିବାକୁ ପାଇବେ ସିନେପ୍ରେମୀ । ଏଭଳି ଷ୍ଟଣ୍ଟ କ୍ୟାଟ୍ରିନା ଆଗରୁ କେବେ କରିନାହାନ୍ତି ବୋଲି ଚର୍ଚ୍ଚା ହେଉଛି । ଏଥିପାଇଁ ତାଲିମ ମଧ୍ୟ ଆରମ୍ଭ କରିଛନ୍ତି । କ୍ୟାଟ୍ରିନା ଓ ଅଲି ଅବାସ ଜଫରଙ୍କ ମଧ୍ୟରେ ଘନିଷ୍ଠ ବନ୍ଧୁତା ରହିଥିବା କଥା ହୁଏତ ଅନେକ ଜାଣିନଥିବେ । ଜଫରଙ୍କ ପ୍ରଥମ ଫିଲ୍ମ ‘ମେରେ ବ୍ରଦର କି ଦୁଲହନ’ରେ କ୍ୟାଟ୍ରିନା ମୁଖ୍ୟ ଭୂମିକାରେ ଅଭିନୟ କରିଥିଲେ । ପରେ ‘ଟାଇଗର ଜିନ୍ଦା ହୈ’ ଓ ‘ଭାରତ’ ରେ ମଧ୍ୟ ସ୍କ୍ରିନ ଶେୟାର କରିଥିଲେ ଏହି ସୁନ୍ଦରୀ । ଫିଲ୍ମ ଯଦି ପ୍ରସ୍ତୁତ ହୁଏ, କଙ୍ଗନା ରାଣାୱତଙ୍କ ‘ମଣିକର୍ଣ୍ଣିକା’ପରେ ଏହା ସର୍ବକାଳୀନ ସବୁଠୁ ବଡ଼ ମହିଳା କୈନ୍ଦ୍ରିକ ଫିଲ୍ମ ହେବ । କ୍ୟାଟଙ୍କ ଅଭିନୟ ଅପେକ୍ଷା ଆକ୍ସନ ଓ ଷ୍ଟଣ୍ଟ ଦେଖିବାକୁ ଅଧିକାଂଶ ସିନେପ୍ରେମୀ ପସନ୍ଦ କରନ୍ତି । ତେଣୁ ଫିଲ୍ମର ଔପଚାରିକ ଘୋଷଣାକୁ ସମସ୍ତେ ବେଶ ଉତ୍ସାହର ସହ ଅପେକ୍ଷା କରିଛନ୍ତି ।
