ପ୍ରବାସୀଙ୍କ ରାପିଡ୍ ଆଣ୍ଟିଜେନ ଟେଷ୍ଟିଂ ପ୍ରକ୍ରିୟା ଆରମ୍ଭ ହେବ : ବିଏମ୍ସି କମିଶନର
ପ୍ରବାସୀଙ୍କ ରାପିଡ୍ ଆଣ୍ଟିଜେନ ଟେଷ୍ଟିଂ ପ୍ରକ୍ରିୟା ଆରମ୍ଭ ହେବ : ବିଏମ୍ସି କମିଶନର
admin
4675
ଭୁବନେଶ୍ୱର: ପୁଣି ଓଡ଼ିଶାକୁ ଘାରିଛି କରୋନା ଭୟ । ଓଡ଼ିଶାରେ କରୋନା ଗ୍ରାଫ ଧୀରେ ଧୀରେ ଉପରମୁହାଁ ହେଉଛି । ଦିନକୁ ଦିନ କରୋନା ଲମ୍ବଡିଆଁ ମାରୁଛି । ଗତ କିଛି ଦିନ ହେଲା ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ତେବେ ରାଜଧାନୀ ଭୁବନେଶ୍ୱରରେ କରୋନା ସଂକ୍ରମଣ ବୃଦ୍ଧି ନେଇ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ନିଜ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, ଆମେ ଦୈନିକ ୨ ହଜାର ନମୁନା ପରୀକ୍ଷା କରୁଛୁ, ଆଗକୁ ଟେଷ୍ଟିଂ ବଢାଯିବ । ପ୍ରତିଦିନ ୬ଶହ ଆରଟିପିସିଆର ଟେଷ୍ଟ କରାଯାଉଛି । ସ୍ଥିତିକୁ ନେଇ ଟାର୍ଗେଟ ବଢିବ । କିଛି ଶିକ୍ଷାନୁଷ୍ଠାନରେ ଆକ୍ରାନ୍ତ ଚିହ୍ନଟ ହୋଇଛନ୍ତି, କଣ୍ଟ୍ରାକ୍ଟ ଟ୍ରେସିଂ ଚାଲିଛି । ଆବଶ୍ୟକ ପଡ଼ିଲେ ସେମାନଙ୍କ ପରିବାର ଲୋକଙ୍କର ନମୁନା ପରୀକ୍ଷା ହେବ । ସଂକ୍ରମଣ ରୋକିବାକୁ ବ୍ୟାପକ ସଚେତନମୂଳକ କାର୍ଯ୍ୟ କରାଯାଉଛି ବୋଲି ଶ୍ରୀ ଚୌଧୁରୀ କହିଛନ୍ତି । ଏଥିସହ ପ୍ରଶାସନକୁ ସହଯୋଗ କରିବାକୁ ଶ୍ରୀ ଚୌଧୁରୀ ଜନସାଧାରଣଙ୍କୁ ଅନୁରୋଧ କରିଛନ୍ତି ।
