ସଡକ ଦୁର୍ଘଟଣାରେ ୫ ମୃତ୍ୟୁ
ସଡକ ଦୁର୍ଘଟଣାରେ ୫ ମୃତ୍ୟୁ
admin
4650
ଭବାନୀପାଟଣା : କଳାହାଣ୍ଡି ଜିଲ୍ଲା ଜାରିଙ୍ଗ ଜଙ୍ଗଲ ନିକଟରେ ଘଟିଯାଇଛି ଏକ ମର୍ମନ୍ତୁଦ ଦୁର୍ଘଟଣା । ଗୋଟିଏ କାର୍ କୁ ସାମ୍ନାରୁ ଟ୍ରକ୍ ଧକ୍କା ଦେବା ଫଳରେ ୫ ଜଣଙ୍କର ମୃତ୍ୟୁ ଘଟିଛି । ଏହି ଦୁର୍ଘଟଣାରେ ଗୋଟିଏ ପରିବାରର ୨ ଶିଶୁ ସମେତ ୫ ଜଣଙ୍କର ମୃତ୍ୟୁ ହୋଇଛି । ଗୋଟିଏ ପରିବାରର ୨ ଭାଇ,ପୁଅ , ୨ ନାତୁଣୀ ମୃତ୍ୟୁ ହୋଇଥିବା ବେଳେ ସହାୟିକା ଓ ବୋହୁ ଗୁରୁତର ହୋଇଛନ୍ତି । ଦୁର୍ଘଟଣା ସ୍ଥଳରେ ୨ ମୃତ୍ୟୁ ଘଟିଥିବା ବେଳେ ଭବାନୀପାଟଣା ହସ୍ପିଟାଲରେ ୩ ଜଣଙ୍କର ମୃତ୍ୟୁ ହୋଇଛି ।
ସୂଚନା ଅନୁସାରେ , ଗୋଟିଏ ପରିବାର ଟ୍ରେନରେ ବିଶାଖାପାଟଣାରୁ କେସିଙ୍ଗା ଆସି କାର୍ ରେ ଫେରୁଥିଲେ । କେସିଙ୍ଗାରୁ କାରରେ ଫେରିବା ସମୟରେ କାରକୁ ସାମ୍ନାରୁ ଏକ ଟ୍ରକ୍ ଧକ୍କା ଦେଇଥିଲା । ଟ୍ରକ୍ ଟି କାରକୁ ଧକ୍କା ଦେବା ଫଳରେ କାରଟି ଘଟଣାସ୍ଥଳରେ ଚୁରମାର୍ ହୋଇଯାଇଥିଲା । ସେହି କାର ଯୋଗେ ଯାଉଥିବା ପରିବାର ସଦସ୍ୟ ମଧ୍ୟରୁ ୫ ଜଣଙ୍କର ମୃତ୍ୟୁ ଘଟିଯାଇଛି ।
