ପ୍ରାର୍ଥୀ ଘୋଷଣାରେ ପଛରେ ପଡ଼ିଛି କଂଗ୍ରେସ
![ପ୍ରାର୍ଥୀ ଘୋଷଣାରେ ପଛରେ ପଡ଼ିଛି କଂଗ୍ରେସ](https://voiceofodisha.com/uploads/images/2024/04/image_750x_660e7b8acd7a0.jpg)
ଭୁବନେଶ୍ୱର: ରାଜ୍ୟରେ ପ୍ରାର୍ଥୀ ଘୋଷଣାରେ ପଛରେ ପଡ଼ିଛି କଂଗ୍ରେସ । ମାତ୍ର ୪୭ ବିଧାନସଭା ଓ ୮ଟି ଲୋକସଭା କ୍ଷେତ୍ରରେ ପ୍ରାର୍ଥୀ ଘୋଷଣା କରିଛି ଦଳ । ପ୍ରଥମ ପର୍ୟ୍ୟାୟରେ ହେବାକୁ ଥିବା କଳାହାଣ୍ଡି ସଂସଦୀୟ କ୍ଷେତ୍ରର ଖରିଆର, ବ୍ରହ୍ମପୁର କ୍ଷେତ୍ରର ବ୍ରହ୍ମପୁର, ଛତ୍ରପୁର, ଗୋପାଳପୁର ଓ ଦିଗପହଣ୍ଡି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିନି ଦଳ । ତେବେ ୧୫ ତାରିଖ ସୁଦ୍ଧା ପ୍ରାୟ ସବୁ ଆସନରେ ପ୍ରାର୍ଥୀ ଘୋଷଣା କରାଯିବ ବୋଲି କହିଛନ୍ତି ପିସିସି ସଭାପତି ଶରତ ପଟ୍ଟନାୟକ ।
ପ୍ରାର୍ଥୀ ତାଲିକା ପାଇଁ ପିସିସି ସଭାପତି ଦିଲ୍ଲୀ ଗସ୍ତ କରିଥିବା ବେଳେ ରବିବାର ସିଇସି ବୈଠକରେ ଏନେଇ ନିଷ୍ପତି ନିଆଯିବ । ବାକି ଥିବା ୯୮ ବିଧାନସଭା ଓ ୧୩ ଲୋକସଭା ଆସନରେ ପ୍ରାର୍ଥୀଙ୍କ ନାମ ଉପରେ ବୈଠକରେ ମୋହର ବାଜିବା ନେଇ ଚର୍ଚ୍ଚା ହେଉଛି ।