ପୁରୀ ନିର୍ବାଚନ ମଣ୍ଡଳୀର ହାଲଚାଲ
ପୁରୀ ନିର୍ବାଚନ ମଣ୍ଡଳୀର ହାଲଚାଲ
admin
2974
ପୁରୀ,ଭାରତର ପ୍ରମୁଖ ଧାମ ହେଉଛି ଜଗନ୍ନାଥଙ୍କ ପୁରୀ ଧାମ, ମହାପ୍ରଭୁ ଜଗନ୍ନାଥଙ୍କ ପବିତ୍ର ଭୂମିରେ ତଥା ପୁରୀ ନିର୍ବାଚନ ମଣ୍ଡଳୀରେ ବାଜିମାତ ପାଇଁ ସବୁ ରାଜନୈତିକ ଦଳ ସର୍ବଦା ଉଦ୍ୟମ କରି ଆସିଛନ୍ତି । ୧୯୮୫ ମସିହାରୁ ପୁରୀ ବିଧାନସଭା ଆସନରେ କେବଳ ଅଣକଂଗ୍ରେସ ଦଳ ହିଁ ଏଠାରେ ରାଜୁତି କରି ଆସିଛି । ଏହା ପୂର୍ବରୁ ୧୯୮୦ରେ ଶେଷ ଥର ପାଇଁ ଗଦାଧର ମିଶ୍ର କଂଗ୍ରେସ ପ୍ରାର୍ଥୀ ହୋଇ ନିର୍ବାଚିତ ହୋଇ ଥିଲେ । ୧୯୮୫ରୁ ଆଜି ପର୍ଯ୍ୟନ୍ତ ଅର୍ଥାତ୍ ୩୫ ବର୍ଷ ଭିତରେ ଜନତା ଦଳ ୧୫ ବର୍ଷ କ୍ଷମତା ଦଖଲ କରିଥବା ବେଳେ ବିଜୁ ଜନତା ଦଳ ଗତ ୪ଟି ନିର୍ବାଚନରେ ଏହି ଆସନକୁ ଦଖଲ କରି ରଖିଛି । ତେବେ ଏହି ୩୫ ବର୍ଷ ଭିତରେ ବ୍ରଜ ତିପାଠୀଙ୍କୁ ୧୦ ବର୍ଷ ସୁଯୋଗ ମିଳିଛି ଓ ମହେଶ୍ୱର ମହାନ୍ତି ଲଗାତର ୧୯୯୫ରୁ ପାଂଚ ଥର ବିଧାୟକ ଭାବେ ହୋଇ ଆସୁଛନ୍ତି । ସମସ୍ତ ପ୍ରତିଦ୍ୱନ୍ଦ୍ୱୀକୁ ଦମନ କରିବାରେ ମହେଶ୍ୱର ସଫଳ ହୋଇଛନ୍ତି ।
ଏଥର ପୁରୀ ବିଧାନସଭାକୁ ନେଇ ଅନ୍ୟ ରାଜନୈତିକ ଦଳ ମଧ୍ୟ ସମ୍ବେଦନଶୀଳ ରହିଛନ୍ତି । ଗତ ୧୯୯୫ରୁ ଲଗାରତ ମହେଶ୍ୱରଙ୍କ ସହିତ ପ୍ରତିଦ୍ୱନ୍ଦ୍ୱିତା କରି ପରାଜୟ ସ୍ୱୀକାର କରି ଆସୁଥିବା ଉମାବଲ୍ଲଭ ରଥ ଏଥର ବାଧ୍ୟ ହୋଇ ପୁରୀ ଛାଡିଛନ୍ତି । କଂଗ୍ରେସ ନେତା ଉମାବଲ୍ଲଭ ପୁରୀ ଛାଡି ଆଠଗଡ ଯାଇଛନ୍ତି । ତେଣୁ ପ୍ରଥମ କରି ପୁରୀ ଉମାଙ୍କ ବିନା ପ୍ରତିଦ୍ୱନ୍ଦ୍ୱିତା ହେବା ଏକ ପ୍ରକାର ନିଶ୍ଚିତ ରହିଛି ।
ଅନ୍ୟପକ୍ଷରେ ଆସନ୍ତା ନିର୍ବାଚନରେ ବିଜେଡି ପୁଣି ଥରେ ପ୍ରାର୍ଥୀ କରିବାକୁ ଅଂଟା ଭିଡିଛି । ଅବଶ୍ୟ ଏଥର ଚିତ୍ର ମଧ୍ୟ ଟିକେ ଭିନ୍ନ ରହିଛି । ପୁରୀରେ ମହେଶ୍ୱରଙ୍କ ବିରୋଧରେ ଜନ ଆକ୍ରୋଶ ହିଁ ମହେଶ୍ୱରଙ୍କ ଚିନ୍ତା ବଢାଇଛି । ଶ୍ରୀମନ୍ଦିର ସଂସ୍କାର ମନ୍ଦିର ବିବାଦ, ପୁରୀ ହିଂସା,ପୁରୀର ମନ୍ଥର ବିକାଶ ସ ପୁରୀରେ ବଢୁଥିବା ଅପରାଧକୁ ନେଇ ପୁରୀବାସୀ କ୍ଷୁବ୍ଧ ଅଛନ୍ତି । ସିଧା ସଳଖ ଦଳ ଉପରେ ନଥିଲେ ବି ନେତାଙ୍କ ବିରୋଧରେ ଜନମତ ରହିଛି ।
ତେବେ ରାଜନୀତି ଗୋଟି ଚଳନାରେ ସମର୍ଥ ମହେଶ୍ୱର ବିରୋଧଙ୍କୁ ପୁଣି ଥରେ କେତେ ଦୂର ଏକାଠି କରି ପାରୁଛନ୍ତି, ତାହା ଉପରରେ ରାଜନୈତିକ ମହଲରେ ନଜର ରହିଛି । ଅନ୍ୟପକ୍ଷରେ କଂଗ୍ରେସରୁ ସେବକ ସଂପ୍ରଦାୟରୁ କଂଗ୍ରେସ ମୁଖପାତ୍ର ବିନାୟକ ଦାସମହାପାତ୍ର ଦାବିଦାର ଥିବା ବେଳେ କଂଗ୍ରେସ ନେତା ବିଶ୍ୱଜିତ୍ ମହାନ୍ତିଙ୍କ ନାମ ମଧ୍ୟ ଚର୍ଚ୍ଚାରେ ରହିଛି । ସେହିଭଳି ବିଜେପିରୁ ସିନେ ଅଭିନେତ୍ରୀ ମହେଶ୍ୱତା ରାୟଙ୍କ ନାମ ସର୍ବାଗ୍ରେ ରହିଥିବା ବେଳେ ବିଜେପି ନେତା କୃଷ୍ଣ ପଣ୍ଡା, ଭବାନୀ ଦାସମହାପାତ୍ର ଆଶାୟୀ ରହିଛନ୍ତି ।
