ଆଖି ବୁଜିଲେ ମୁମ୍ବାଇ ନିର୍ଭୟା
ଆଖି ବୁଜିଲେ ମୁମ୍ବାଇ ନିର୍ଭୟା
admin
ଭୁବନେଶ୍ୱର: ଦିଲ୍ଲୀ ନିର୍ଭୟା ଘଟଣାକୁ ଏ ଦେଶ କେବେ ବି ଭୁଲିପାରିନି । ଏ ଚର୍ଚ୍ଚା ଯେତେବେଳେ ବି ହୁଏ, ମୁଣ୍ଡ ତଳକୁ ହୋଇଯାଏ । ଏବେ ମୁମ୍ବାଇରେ ବି ନିର୍ଭୟା ଭଳି ଘଟଣା ଘଟିଛି । ଏକ ଟେମ୍ପୋ ଭିତରେ ମହିଳାଙ୍କୁ ଦୁଷ୍କର୍ମ କରାଗଲା । ଦୁଷ୍କର୍ମ ପରେ ମହିଳାଙ୍କ ଗୁପ୍ତାଙ୍ଗରେ ଦୁଷ୍କର୍ମକାରୀ ରଡ୍ ପୂରାଇ ଦେଇଥିଲେ । ଗୁରୁତର ଅବସ୍ଥାରେ ପୁଲିସ ତାଙ୍କୁ ଉଦ୍ଧାର କରି ହସ୍ପିଟାଲକୁ ଆଣିଥିଲା । ଜୀବନ ସହ ସଂଘର୍ଷ କରି କରି ଆଜି ଆଖି ବୁଜି ଦେଇଛନ୍ତି ମୁମ୍ବାଇର ମୁମ୍ବାଇର ଏହି ପୀଡ଼ିତା । ଏହି ଘଟଣା ପୁଣି ଥରେ ଦେଶର ମୁଣ୍ଡ ତଳକୁ କରିଦେଇଛି ।
ଏହି ଛାତିଥରା ଘଟଣାଟି ଘଟିଛି ମୁମ୍ବାଇର ସାକିନାକାରେ । ଶୁକ୍ରବାର ବିଳମ୍ବିତ ରାତିରେ ମୁମ୍ବାଇ ପୁଲିସକୁ ଏକ ଫୋନ୍ ଆସିଥିଲା । ଜଣେ ମହିଳା (୩୨)ଙ୍କୁ କେହି ଜଣେ ରକ୍ତ ଜୁଡୁବୁଡ଼ୁ ଅବସ୍ଥାରେ ଖଇରାନି ରୋଡରେ ଫିଙ୍ଗି ଦେଇ ପଳାଇଥିବା ଖବର ମିଳିଥିଲା । ପୁଲିସ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ମହିଳାଙ୍କୁ ଉଦ୍ଧାର କରି ହସ୍ପିଟାଲ ନେଇଥିଲା । ଘଟଣାସ୍ଥଳରେ ପୁଲିସ ଯେଉଁଭଳି ଅବସ୍ଥାରେ ମହିଳାଙ୍କୁ ଉଦ୍ଧାର କରିଥିଲା, ତାହା ପୁଲିସ କର୍ମଚାରୀଙ୍କ ହୋସ୍ ଉଡ଼ାଇ ଦେଇଥିଲା । ପୁଲିସ ଏହି ଘଟଣାରେ ମୋହନ ଚୌହ୍ୱାନ (୪୫)କୁ ଗିରଫ କରିଛି ।
ପୁଲିସର ପ୍ରାରମ୍ଭିକ ତଦନ୍ତରୁ ଜଣାପଡ଼ିଛି, ରାସ୍ତାକଡ଼ରେ ଥିବା ଏକ ଟେମ୍ପୋ ଭିତରେ ମହିଳାଙ୍କ ସହ ଦୁଷ୍କର୍ମ କରାଯାଇଥିଲା । ତା’ ପରେ ତାଙ୍କ ଗୁପ୍ତାଙ୍ଗରେ ଲୁହା ରଡ୍ ଭର୍ତ୍ତି କରାଯାଇଥିଲା । ଏମିତିକି ପୁଲିସକୁ ସେଇ ଗାଡ଼ିରୁ ରକ୍ତ ମିଳିଛି । ଅତି ସଙ୍କଟାପନ୍ନ ଅବସ୍ଥାରେ ସିଟି ହସ୍ପିଟାଲରେ ତାଙ୍କର ଚିକିତ୍ସା କରାଯାଉଥିଲା । ମାତ୍ର ଆଜି ସକାଳେ ପୀଡ଼ିତା ଜୀବନ ଯୁଦ୍ଧରେ ହାରି ଆଖି ବୁଜିଦେଲେ ।
ଗିରଫ ଅଭିଯୁକ୍ତ ମୋହନ ସହ ଆଉ କିଏ ଏହି ଘଟଣାରେ ସଂପୃକ୍ତ, ସେ ନେଇ ଖୋଳତାଡ଼ ଚଳାଇଛି ପୁଲିସ । ଏ ଘଟଣାରେ ପୁଲିସକୁ ଏକ ସିସିଟିଭି ଫୁଟେଜ ମିଳିଛି । ଏହି ଫୁଟେଜ ପୁଲିସ ତଦନ୍ତରେ ବେଶ ଗୁରୁତ୍ୱପୂର୍ଣ୍ଣ ହେବ ବୋଲି କୁହାଯାଉଛି । ହସ୍ପିଟାଲରେ ଚିକିତ୍ସିତ ମହିଳା ସ୍ୱାସ୍ଥ୍ୟବସ୍ଥା ସ୍ଥିର ରହିଛି । ମୁମ୍ବାଇର ଏହି ଘଟଣା ପୁଣି ଥରେ ମନ ଭିତରେ ୨୦୧୨ ଡିସେମ୍ବରରେ ଘଟିଥିବା ଦିଲ୍ଲୀର ନିର୍ଭୟା ଘଟଣାକୁ ମନେପକାଇ ଦେଇଛି ।
