ଆସାମରେ ବିଜେପି ସରକାର ଗଢ଼ିବା ନିଶ୍ଚିତ, ବୈଜୟନ୍ତଙ୍କ ଦମଦାର ପ୍ରଦର୍ଶନ
ଆସାମରେ ବିଜେପି ସରକାର ଗଢ଼ିବା ନିଶ୍ଚିତ, ବୈଜୟନ୍ତଙ୍କ ଦମଦାର ପ୍ରଦର୍ଶନ
admin
4554
ଗୌହ୍ୱାଟୀ : ଶୀର୍ଷକଟି ନିଶ୍ଚିତ ଭାବେ ସମସ୍ତଙ୍କୁ ଚକିତ କରୁଥିବ । ଓଡ଼ିଶାରେ ତ ନିର୍ବାଚନ ନଥିଲା ତେବେ ବୈଜୟନ୍ତ ପଣ୍ଡା କିଭଳି ଦମଦାର ପ୍ରଦର୍ଶନ କଲେ ? ଏମିତି ପ୍ରଶ୍ନ ଉଠିବା ସ୍ୱାଭାବିକ । ତେବେ ଆସାମରେ ବିଜେପି ସରକାର ଗଢ଼ିବା ନିଶ୍ଚିତ ହୋଇଯାଇଛି । ଆସାମ ଦାୟିତ୍ୱରେ ରହିଛନ୍ତି ବୈଜୟନ୍ତ ପଣ୍ଡା । ଗତ କିଛି ମାସ ଧରି ସେ ଆସାମରେ ହିଁ ରହିଥିଲେ । ତେଣୁ ଦାୟିତ୍ୱରେ ଥିବାରୁ ବିଜୟର ଶ୍ରେୟ ତାଙ୍କ ପାଖକୁ ମଧ୍ୟ କିଛି ମାତ୍ରାରେ ଯିବ ।
ନିର୍ବାଚନ କମିଶନଙ୍କ ତଥ୍ୟ ଅନୁଯାୟୀ ଆସାମରେ ଏବେ ବିଜେପି ୫୬ ଆସନରେ ଆଗୁଆ ଥିବାବେଳେ କଂଗ୍ରେସ ୨୮ ଆସନରେ ଆଗୁଆ ରହିଛି । ସେହିପରି ଏଆଇୟୂଡିଏମଏଫ ୧୧, ଏଜିପି ୧୦, ବିପିଏଫ ୨, ୟୂପିପି ୭ ଆସନରେ ଅଗ୍ରଣୀ ଲାଭ କରିଛନ୍ତି ।
ଆସାମରେ ପୂର୍ବରୁ ବିଜେପିର ସରକାର ଥିଲା । ତେବେ ଏନଆରସି ଲାଗୁ ହେବା ପରେ ସେଠାରେ ବିଜେପିର ଦବଦବା କମିଥିବା କୁହାଯାଉଥିଲା । କିନ୍ତୁ ରାଷ୍ଟ୍ରୀୟ ସ୍ୱୟଂ ସେବକ ସଂଘର ଦୃଢ଼ ସଂଗଠନ ବିଜେପିର ଭୋଟ ହାର ବଢ଼ାଇବାରେ ସମର୍ଥ ହୋଇଛି ।
୨୦୧୬ ଆସାମ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟିକୁ ୬୦ ଆସନ ମିଳିଥିବାବେଳେ ଆସାମ ଗଣ ପରିଷଦକୁ ୧୪ ଆସନ ମିଳିଥିଲା । ସେହିପରି ବୋଡେ଼ାଲାଣ୍ଡ ପିପୁଲସ ଫ୍ରଂଟକୁ ୧୨ ଆସନ ମିଳିଥିଲା । ଅପରପକ୍ଷରେ କଂଗ୍ରେସକୁ ୨୬ ଆସନରେ ସନ୍ତୁଷ୍ଟ ହେବାକୁ ପଡ଼ିଥିଲା । ଅଲ ଇଣ୍ଡିଆ ୟୂନାଇଟେଡ ଡେମୋକ୍ରାଟିକ ଫ୍ରଂଟ ୧୩ ଆସନ ପାଇଥିଲା ।
