ଏନଆରସି ଓ ସିଏଏକୁ ଲୋକେ ଗ୍ରହଣ କରିବେ ନାହିଁ

Dec 25, 2019 - 10:44 Updated: Dec 25, 2019 - 10:44

6395

ଭୁବନେଶ୍ୱର - ଏନଆରସି ଓ ସିଏଏକୁ ଲୋକେ ଗ୍ରହଣ କରିବେ ନାହିଁ । ଏନପିଆର କେବଳ ଏକ ଧୂଆଁବାଣ ବୋଲି କଂଗ୍ରେସ ବିଧାୟକ ସୁର ରାଉତରାୟ କହିଛନ୍ତି । ଏନଆରସି, ସିଏଏ ଓ ଏନପିଆର ପ୍ରସଙ୍ଗରେ ବୁଝାଇବାକୁ ଲୋକଙ୍କୁ ପାଖକୁ ବିଜେପି ଯିବ ବୋଲି କହିବା ପରେ ସୁର ରାଉତରାୟ ଏଭଳି କହିଛନ୍ତି । ଶ୍ରୀ ରାଉତରାୟ କହିଛନ୍ତି ଯେ, ଆସନ୍ତା ୨୮ ତାରିଖ ଦିନ ପ୍ରତିଷ୍ଠା ଦିବସ । ଆମେ ପଞ୍ଚାୟତ, ବ୍ଲକ ଓ ଜିଲ୍ଲାକୁ ଯିବୁ । ଭାରତବର୍ଷ ସର୍ବଧର୍ମର ଦେଶ । ଏଠାରେ ବାଛ ବିଚାର ଚଳିବ ନାହିଁ । ଆମେ ସବୁ ଧର୍ମକୁ ସମ୍ମାନ ଦେଉଛୁ ବୋଲି ସୁର ରାଉତରାୟ କହିଛନ୍ତି । ପୂର୍ବରୁ ଏନଆରସି ଓ ଏନପିଆର ପ୍ରସଙ୍ଗରେ କଂଗ୍ରେସ ଅଯଥାରେ ବିଭ୍ରାନ୍ତି କରୁଛି ବୋଲି ବିଜେପି ନେତା ପୃଥ୍ୱୀରାଜ ହହରିଚନ୍ଦନ କହିଥିଲେ । ଏଥିସହ ଏନଆରସି ଓ ଏନପିଆର ପ୍ରସଙ୍ଗରେ ରାଜ୍ୟ ବିଜେପି ଲୋକଙ୍କ ପାଖକୁ ଯିବା ସହ ସେମାନଙ୍କୁ ଏହି ପ୍ରସଙ୍ଗ ଉପରେ ସଚେତନ କରାଇବ । ପ୍ରାୟ ୧ କୋଟି ଲୋକଙ୍କ ପାଖରେ ପହଞ୍ଚିବୁ ବୋଲି ପୃଥ୍ୱୀରାଜ ହହରିଚନ୍ଦନ କହିଥିଲେ । ପ୍ରକାଶ ଯେ, ନାଗରିକତା ସଂଶୋଧନ ଆଇନକୁ ବିରୋଧ କରି ଦେଶବ୍ୟାପୀ ଆନେ୍ଦାଳନ ଜାରି ରହିଥିବାରୁ ବିଜେପି ଏବେ ଏହି ପ୍ରସଙ୍ଗରେ ଲୋକଙ୍କୁ ସଚେତନ କରିବା ଏବଂ ବିଭ୍ରାନ୍ତି ଦୂର କରିବାପାଇଁ ଏକ ବିଶାଳ ପ୍ରଚାର ଅଭିଯାନ ଆରମ୍ଭ କରିବାକୁ ଯୋଜନା କରିଛି ।