କରୋନାରେ ଆଉ ୪ ମୃତ

Jul 9, 2020 - 05:34 Updated: Jul 9, 2020 - 05:34

5976

ଭୁବନେଶ୍ୱର : ରାଜ୍ୟରେ ଆଉ ୫୭୭ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ କ୍ୱାରେଂଟାଇନ କେନ୍ଦ୍ରରେ ୪୧୬ ଥିବାବେଳେ ସ୍ଥାନୀୟ ସଂସ୍ପର୍ଶରେ ଆସି ୧୬୧ ଜଣ ଆକ୍ରାନ୍ତ ହୋଇଛନ୍ତି । ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୧୨୦୧ରେ ପହଁଚିଛି । ସେମାନଙ୍କ ମଧ୍ୟରୁ ୭୦୦୬ ଜଣ ସୁସ୍ଥ ହୋଇଥିବାବେଳେ ୪୧୨୮ ଜଣ ସକ୍ରିୟ ଅଛନ୍ତି । ଅପରପକ୍ଷରେ ଆଉ ୪ ଜଣଙ୍କର କରୋନାରେ ମୃତୁ୍ୟ ହୋଇଥିବାବେଳେ ମୃତୁ୍ୟ ସଂଖ୍ୟା ୫୨ରେ ପହଁଚିଛି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ସୂଚନା ଅନୁଯାୟୀ, ଅନୁଗୁଳରେ ୧, ବରଗଡ଼ରେ ୧, ଭଦ୍ରକରେ ୧, ଗଜପତିରେ ୧, ଗଞ୍ଜାମରେ ୩୦, ଯାଜପୁରରେ ୧, କେନ୍ଦ୍ରାପଡ଼ାରେ ୧, ଖୋର୍ଦ୍ଧାରେ ୮, ପୁରୀରେ ୧, ରାୟଗଡ଼ାରେ ୧ ଓ ସୁନ୍ଦରଗଡ଼ରେ ଜଣଙ୍କର ମୃତୁ୍ୟ ହୋଇଛି । ଆଜି ଗଞ୍ଜାମରେ ୩ ଜଣ ଓ ଭଦ୍ରକରେ ଜଣଙ୍କର ମୃତୁ୍ୟ ଘଟିଛି । ଅପରପକ୍ଷରେ ୧୫ ଆକ୍ରାନ୍ତ ଅନ୍ୟ ରୋଗରେ ମୃତୁ୍ୟ ବରଣ କରିଛନ୍ତି । ବାଲେଶ୍ୱରରେ ୨, ଭଦ୍ରକରେ ୧, କଟକରେ ୩, ଗଞ୍ଜାମରେ ୧, କେନ୍ଦୁଝରରେ ୧, ଖୋର୍ଦ୍ଧାରେ ୩, ମୟୂରଭଞ୍ଜରେ ୨, ନବରଙ୍ଗପୁରରେ ୧ ଓ ପୁରୀରେ ଜଣେ ଆକ୍ରାନ୍ତ ଅନ୍ୟ ରୋଗରେ ମୃତୁ୍ୟବରଣ କରିଛନ୍ତି ।