ଖୁବଶୀଘ୍ର ଚାଲିବ ‘ମୋ ବସ’: ଅରୁଣ ବୋଥ୍ରା
ଖୁବଶୀଘ୍ର ଚାଲିବ ‘ମୋ ବସ’: ଅରୁଣ ବୋଥ୍ରା
admin
3544
ସରକାରୀ ନିଷ୍ପତ୍ତି ସତ୍ତ୍ୱେ ରାଜ୍ୟରେ ଘରୋଇ ବସ ଚଳାଚଳ କରିବାକୁ ସଂଘ ରାଜି ହେଉନଥିବାବେଳେ ଖୁବଶୀଘ୍ର ‘ମୋ ବସ’ ଚାଲିବ । ଏନେଇ କ୍ରୁଟର ସିିଇଓ ଅରୁଣ ବୋଥ୍ରା ସୂଚନା ଦେଇଛନ୍ତି । ସେ କହିଛନ୍ତି ଯେ, ମୋ ବସ ବର୍ତ୍ତମାନ ଶ୍ରମିକଙ୍କୁ ନେବା ଆଣିବାରେ ଲାଗିଛି । ଏହା ପରେ ରାଜ୍ୟରେ ଖୁବଶୀଘ୍ର ମୋ ବସ ଚାଲିବ । ତେବେ କେଉଁ ରୁଟରେ କେତେ ବସ ଚାଲି ସେ ସମ୍ପର୍କରେ ମଙ୍ଗଳବାର ଅବଗତ କରାଯିବ ବୋଲି ଅରୁଣ ବୋଥ୍ରା ସୂଚନା ଦେଇଛନ୍ତି ।
ପ୍ରକାଶ ଯେ, ଆଜିଠୁଁ ଅଟୋ, ଟାକ୍ସି ଓ ବସ୍ ସେବା ଆରମ୍ଭ ହେବ ବୋଲି ସରକାର ଘୋଷଣା କରିଥିବା ସତ୍ତ୍ବେ ବି କଟକରେ ଏହାର ବିଶେଷ ପ୍ରଭାବ ପଡ଼ିନାହିଁ। ଆଜି ସକାଳେ କଟକର ବାଦାମବାଡ଼ି ବସଷ୍ଟାଣ୍ଡ ଗତ ଦୁଇ ମାସ ଭଳି ଖାଁ ଖାଁ ରହିଛି। ଏଠାରୁ କୌଣସି ବସ୍ ଯାତାୟତ ଆରମ୍ଭ କରି ନ ଥିବା ଜଣାଯାଇଛି। ଏପରିକି କୌଣସି ସରକାରୀ ବସ୍ ବି ଚାଲୁ ନ ଥିବାର ଖବର ମିଳିଛି। ଠିକ୍ ସେହିପରି ସହରରେ ସିଟି ବସ୍ ଚଳାଚଳ ବି ଆରମ୍ଭ ହୋଇପାରି ନାହିଁ। ଏପରିକି ଅଟୋ ଚଳାଚଳ ବି ସ୍ବାଭାବିକ ହୋଇ ନ ଥିବା କୁହାଯାଉଛି।
ବସ୍ର ସିଟ୍ ସଂଖ୍ୟା ଅନୁଯାୟୀ ଯାତ୍ରୀ ପରିବହନ ହେବ ବୋଲି ଗତକାଲି ସରକାର ଘୋଷଣା କରିଥିଲେ। ରାଜ୍ୟ ଘରୋଇ ବସ୍ ମାଲିକ ସଂଘ କୌଣସି ନିଷ୍ପତ୍ତି ନେଇପାରିନି। ସେପଟେ ସରକାରଙ୍କ ସହ ବିସ୍ତୃତ ଆଲୋଚନା ପରେ ବସ୍ ଚଳାଇବା ନେଇ ନିଷ୍ପତ୍ତି ନିଆଯିବ ବୋଲି ବସ୍ ମାଲିକ ସଂଘ କହିଛି। ଏଣେ ସେମାନଙ୍କ ପାଖରେ ଡ୍ରାଇଭର୍ ଓ ହେଲପର୍ ନ ଥିବା ଯୋଗୁ ମଇ ୨୫ ତାରିଖରୁ ବସ୍ ଚଳାଚଳ ସମ୍ଭବ ନୁହେଁ ବୋଲି ବି ବସ୍ ମାଲିକ ସଂଘ ପକ୍ଷରୁ କୁହାଯାଇଥିଲା।
