ଗିରଫ ହେଲେ ଚିଲିକା ବିଧାୟକ

Mar 22, 2022 - 12:14 Updated: Mar 22, 2022 - 12:14

3675

ଭୁବନେଶ୍ୱର : ବହୁଚର୍ଚ୍ଚିତ ବିଧାୟକ ପ୍ରଶାନ୍ତ ଜଗଦ୍ଦେବ ଗିରଫ ହୋଇଛନ୍ତି । ହସପିଟାଲରୁ ବାହାରିବା ପରେ ଆଜି ପୁଲିସ ତାଙ୍କୁ ଗିରଫ କରିଛି । ବାଣପୁର ବ୍ଲକ କାର୍ଯ୍ୟାଳୟ ଆଗରେ ସେ ଲୋକଙ୍କୁ ଗାଡ଼ିମଡ଼ାଇ ମାରିବାକୁ ଉଦ୍ୟମ କରିଥିବା ଅଭିଯୋଗ ହୋଇଛି ।

ସୂଚନାଯୋଗ୍ୟଯେ, ବ୍ଲକ ଅଧ୍ୟକ୍ଷ ନିର୍ବାଚନ ବେଳେ ବାଣପୁର ବ୍ଲକ ଆଗରେ ବହୁ ଲୋକ ଭିଡ଼ ଜମାଇଥିଲେ । ବିଜେପିର କାର୍ଯ୍ୟକର୍ତାମାନେ ଶୋଭାଯାତ୍ରା କରୁଥିଲେ । ପୁଲିସର ବାରଣ ସତ୍ୱେ ପ୍ରଶାନ୍ତ ଜଗଦ୍ଦେବ ସେହି ଭିଡ଼ ଭିତରକୁ ପଶି ଯାଇଥିଲେ । ପରେ ଲୋକମାନେ ତାଙ୍କ ଗାଡ଼ି ଭଙ୍ଗାରୁଜା କରିଥିଲେ । ତେବେ ପରେ ସେ ଗାଡ଼ି ଆଗକୁ ମଡ଼ାଇ ନେବାରୁ କେତେକ ଲୋକ ତାଙ୍କ ଗାଡ଼ି ଆଗରେ ପଡ଼ିଯାଇଥିଲେ । ତାଙ୍କ ଗାଡ଼ି ଧକ୍କାରେ ବହୁ ଲୋକ ଗୁରୁତର ଆହତ ହୋଇଥିଲେ । ଏହାପରେ ଉତ୍ୟକ୍ତ ଲୋକମାନେ ତାଙ୍କୁ ଗାଡ଼ି ଭିତରୁ ଘୋଷାଡ଼ି ଆଣି ନିସ୍ତୁକ ମାଡ଼ ମାରିଥିଲେ । ଗୁରୁତର ହୋଇ ସେ ହସପିଟାଲରେ ଭର୍ତି ହୋଇଥିଲେ । ଆଜି ସେ ହସପିଟାଲରୁ ଡିସଚାର୍ଜ ହୋଇଛନ୍ତି । ଡିସଚାର୍ଜ ହେବା ମାତ୍ରେ ତୁରନ୍ତ ତାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ତେବେ ତାଙ୍କୁ ରିମାଣ୍ଡରେ ନିଆଯିବ ବୋଲି ଜଣାପଡ଼ିଛି ।