ଗୋଆର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ପ୍ରମୋଦ ସାଓ୍ଵନ୍ତ
ଗୋଆର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ପ୍ରମୋଦ ସାଓ୍ଵନ୍ତ
admin
Mar 19, 2019 - 05:06
Updated: Mar 19, 2019 - 05:06
ଗୋଆର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି ପ୍ରମୋଦ ସାଓ୍ଵନ୍ତ । ସେହିପରି ମହାରାଷ୍ଟ୍ରବାଦୀ ଗୋମନ୍ତକ ପାର୍ଟିର ସୁଦିନ ଧଓ୍ଵଲିକର ଓ ଗୋଆ ଫରଓ୍ଵାର୍ଡ ପାର୍ଟିର ବିଜୟ ସରଦେସାଇଙ୍କ ସମେତ ୧୧ ଜଣଙ୍କୁ ରାଜ୍ୟପାଳ ମୃଦୁଲା ସିହ୍ନା ଶପଥ କରାଇଛନ୍ତି । ଗତକାଲି ରାତି ଗୋଟିଏ ୫୦ ମିନିଟରେ ଶପଥ ଗ୍ରହଣ ଉତ୍ସବ ହୋଇଛି । ସୁଦିନ ଧଓ୍ଵଲିକର ଓ ଗୋଆ ଫରଓ୍ଵାର୍ଡ ପାର୍ଟିର ବିଜୟ ସରଦେସାଇଙ୍କୁ ଉପମୁଖ୍ୟମନ୍ତ୍ରୀ ପଦ ମିଳିପାରେ । ତେବେ ନୂଆ କରି ମୁଖ୍ୟମନ୍ତ୍ରୀ ଭାବେ ଶପଥ ନେଇଥିବା ପ୍ରମୋଦ ସାଓ୍ଵନ୍ତ ପେଶାରେ ଜଣେ ଡାକ୍ତର । ସେ ବର୍ତ୍ତମାନ ସାଓ୍ଵନ୍ତ ସ୍ୟାନ୍ଖାଲିମ କ୍ଷେତ୍ରର ପ୍ରତିନିଧିତ୍ୱ କରିବା ସହ ବିଜେପିର ସଦସ୍ୟ ଅଛନ୍ତି ।
ସୂଚନାଯୋଗ୍ୟ, ରାଜ୍ୟପାଳ ମୃଦୁଳା ସିହ୍ନା ୧. ୪୬ ମିନିଟ୍ରେ ରାଜଭବନର ଦରବାର ହଲରେ ପହଞ୍ଚିଥିଲେ। ଜାତୀୟ ସଙ୍ଗୀତ ପରେ ଶପଥ ଗ୍ରହଣ ସମାରୋହ ଆରମ୍ଭ ହୋଇଥିଲା। ସର୍ବପ୍ରଥମେ ପ୍ରମୋଦ କୁମାର ସାଓ୍ଵନ୍ତ ପଦ ଓ ଗୋପନୀୟତାର ଶପଥ କୋଙ୍କଣୀ ଭାଷାରେ ନେଇଥିଲେ। ଏହି ଶପଥ ଗ୍ରହଣ ସମୟରେ ଆହୁରି ୧୧ ଜଣ ନେତା ମଧ୍ୟ ଗୋଆ କ୍ୟାବିନେଟ ମନ୍ତ୍ରୀ ପାଇଁ ଶପଥ ନେଇଥିଲେ। ସେମାନଙ୍କ ମଧ୍ୟରେ ମହାରାଷ୍ଟ୍ରବାଦୀ ଗୋମନ୍ତକ ପାର୍ଟିର ସୁଦିନ ଦାଭାଲିକର ଓ ବିଜୟ ସରଦେଶାଇ ଓ ସୁଦିନ ଧବଲିକର ରାଜ୍ୟର ନୂଆ ଉପ-ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ।