ଜୁନାଗଡ଼ ଗଣଦୁଷ୍କର୍ମ, ୭ ଗିରଫ

Sep 25, 2019 - 09:38 Updated: Sep 25, 2019 - 09:38

3221

ଧର୍ମଗଡ଼: ଜୁନାଗଡ଼ ଗଣଦୁଷ୍କର୍ମ ଓ ଭିଡିଓ ଭାଇରାଲ ଘଟଣାରେ ପୁଲିସ ୭ ଜଣଙ୍କୁ ଗିରଫ କରିଛି । ୭ ଜଣଙ୍କୁ ଗିରଫ କରାଯାଇଥିବା ନେଇ କଳାହାଣ୍ଡି ଏସପି ସୂଚନା ଦେଇଛନ୍ତି । ଗଣଦୁଷ୍କର୍ମ ଘଟଣାରେ ୪ ଜଣ ଓ ଭିଡିଓ ଭାଇରାଲ ଘଟଣାରେ ୩ ଜଣଙ୍କୁ ଗିରଫ କରାଯାଇଛି । ତେବେ ସବୁଠାରୁ ବଡ଼ କଥା ହେଲା ଗିରଫ ୭ ଜଣଙ୍କ ମଧ୍ୟରୁ ଜଣେ ନାବାଳକ ଥିବା ଜଣାଯାଇଛି । ତେବେ ଏହି ଘଟଣାରେ ଲିଫ୍ଟ ଦେଇଥିବା ଡ୍ରାଇଭରଙ୍କ ସମ୍ପୃକ୍ତି ନଥିବା ଏସପି ସୂଚନା ଦେଇଛନ୍ତି । ଡ୍ରାଇଭରଙ୍କୁ ମୁଖ୍ୟ ସାଖୀ କରି ତଦନ୍ତକୁ ଆଗକୁ ନିଆଯାଉଛି । ତଦନ୍ତ ଚାଲିଛି, ଆଗକୁ ଗିରଫଦାରୀ ସଂଖ୍ୟା ବଢିବାରେ ବୋଲି ଏସପି କହିଛନ୍ତି । ପ୍ରକାଶ ଯେ, ଜଣେ ଯୁବତୀଙ୍କୁ ଛୁରି ଦେଖାଇ ଗଣଦୁଷ୍କର୍ମ କରାଯିବା ସହ ଏହାର ଭିଡିଓ ସୁଟିଂ କରାଯାଇଥିଲା । ବାଇକରେ ଯାଉଥିବା ଯୁବତୀଙ୍କୁ ୪ ଜଣ ଅଭିଯୁକ୍ତ ଉଠାଇ ନେଇଥିଲେ । ଦୁଷ୍କର୍ମକାରୀ ଯୁବକମାନେ ନିକଟସ୍ଥ ଗ୍ରାମର ହୋଇଥିବାବେଳେ ସେମାନେ ଜଙ୍ଗଲରେ ଭୋଜି କରୁଥିଲେ ।