ଝିଲିକଙ୍କ କହ୍ନେୟା
ଝିଲିକଙ୍କ କହ୍ନେୟା
admin
2206
ବଙ୍ଗୀୟ ଅଭିନେତ୍ରୀ ଝିଲିକଙ୍କ ପ୍ରେମରେ ପଡ଼ିଛନ୍ତି ଓଲିଉଡ଼ ମିଷ୍ଟ କହ୍ନେୟା ଓରଡ଼ କମେଡି ଷ୍ଟାର ପପୁ ପମପମ୍ । କଥାଟା ବିଶ୍ୱାସ ନ ହେଉଥିଲେ ବି ସତ । ଦୁହିଁଙ୍କ ଯୋଡ଼ିକୁ ତିଆରି କରିଛନ୍ତି ମନୋରଞ୍ଜନରେ ମାଷ୍ଟର ପ୍ରଯୋଜକ ସୀତାରାମ ଅଗ୍ରୱାଲ । ଆସନ୍ତା ଗଣେଷ ପୂଜା ଉପଲକ୍ଷେ ସିଦ୍ଧାର୍ଥ ଟିଭି ଓ ସିଦ୍ଧାର୍ଥ ମ୍ୟୁଜିକରେ ମିଳିତ ଆନୁକୁଲ୍ୟରେ ପ୍ରସ୍ତୁତ ହେଉଛି ପ୍ରଯୋଜନା ସଂସ୍ଥାର ୨୭ତମ ନୂଆ ଓଡ଼ିଆ ସିନେମା ‘ମିଷ୍ଟର କହ୍ନେୟା’ । ଦୀର୍ଘ ଏକ ବର୍ଷର ବ୍ୟବଧାନ ପରେ କମେଡି ଷ୍ଟାର ପପୁ ପମପମ୍ ପରଦାକୁ ଫେରିଥିବା ବେଳେ ସିନେମାର ତାଙ୍କ ନାୟିକା ସାଜିଛନ୍ତି ଝିଲିକ । ଦୁହିଁଙ୍କ ଉପରେ ଭରସା ରଖିଛନ୍ତି ପ୍ରଯୋଜକ । ଟୋକାଟା ଫସିଗଲାର ସଫଳତା ପରେ ଏହି ସିନେମାରେ ପପୁ ଓ ସୀତାରାମ ଅଗ୍ରୱାଲ କିଛି ଭିନ୍ନ କରିବେ ବୋଲି ସମସ୍ତଙ୍କ ନଜର ରହିଛି । ରଙ୍ଗିଲା ଟୋକା ‘ଆମେ ତ ଟୋକା ଷଣ୍ଢ ମାର୍କା ପରେ ପପୁଙ୍କ ଏହା ତୃତୀୟ ସିନେମା ଯେଉଁଥିରେ ସେ ଲିଡରେ ନଜର ଆସିବେ । ୟୁ ଟ୍ୟୁବରେ ଗୀତଗାଇ କମେଡି କରି ଲୋକପ୍ରିୟତା ବଢ଼ାଇଥିବା ପପୁ ଏ ଭିତରେ ସଫଳତାର ସହ ନିର୍ଦ୍ଦେଶନା ଦାୟିତ୍ୱ ବି ତୁଲାଇ ସାରିଛନ୍ତି । ସେହି ଲୋକପ୍ରିୟତା ମିଷ୍ଟର କହ୍ନେୟାଙ୍କୁ ଏହି କେତେ ମାର୍କ ଦେଉଛି ତାହା ଦେଖିବା ବାକି ରହିଲା । ବହୁ ବଡ ବଡ ଷ୍ଟାରଙ୍କ ସହ କାମ କରିଥିବା ବେଳେ ଝିଲିକ ପପୁଙ୍କ ବିଷୟରେ କି ରଙ୍ଗ ଦେଖାଉଛନ୍ତି ତାକୁ ଦେଖିବାକୁ ହେବ । ଏହି ସିନେମାର ନିର୍ଦ୍ଦେଶନା ରମେଶ ରାଉତ ଦେଇଥିବା ବେଳେ ସଙ୍ଗୀତ ନିର୍ଦ୍ଦେଶଦା ଦେଇଛନ୍ତି ବୈଦ୍ୟନାଥ ଦାଶ । କ୍ୟାମେରା ପରିଚାଳନା କରିଛନ୍ତି ପ୍ରତାପ ରାଉତ । ସମ୍ପାଦନା ଭାର ମୁଣ୍ଡାଇଛନ୍ତି ରାଜେଶ ଦାଶ । ବର୍ତ୍ତମାନ ସିନେମାର ଶୁଟିଂ ଚାଲିଛି । ସେହି ଶୁଟିଂ ସେଟରେ କିଛି ଫଟୋ ଓ ଭିଡିଓ ଭାଇରାଲ ହେବା ପରେ ତାକୁ ନେଇ ଚାରିଆଡ଼େ ଚର୍ଚ୍ଚା ।
