ଡିସେମ୍ବରରୁ ତେଜସ ସୁଟିଂ ଆରମ୍ଭ, ପାଇଲଟ ଅବତାରରେ ନଜର ଆସିବେ କଙ୍ଗନା
ଡିସେମ୍ବରରୁ ତେଜସ ସୁଟିଂ ଆରମ୍ଭ, ପାଇଲଟ ଅବତାରରେ ନଜର ଆସିବେ କଙ୍ଗନା
admin
2241
ଫିଲ୍ମ ‘ତେଜସ’ର ସୁଟିଂ ଡିସେମ୍ବରରୁ ଆରମ୍ଭ ହେବାକୁ ଯାଉଛି । ଉକ୍ତ ଫିଲ୍ମରେ କଙ୍ଗନା ରେନାୱତ ଇଣ୍ଡିଆନ ଏୟାର ଫୋର୍ସର ପାଇଲଟ ଭୂମିକାରେ ନଜରକୁ ଆସିବେ । କଙ୍ଗନା ଏହି ବଷୟରେ ନିଜେ ଜଣାଇବା ସହ ଉକ୍ତ ଫିଲ୍ମର ଏକ ନୂଆ ପୋଷ୍ଟର ଲଞ୍ଚ କରିଛନ୍ତି ।
କଙ୍ଗନା ସୋସିଆଲ ମିଡିଆରେ ନିଜର ଆଗାମୀ ଫିଲ୍ମ ବିଷୟରେ ନିଜର ଫାନମାନଙ୍କ ଜଣାଇଛନ୍ତି । ଏହା ସହିତ ଉକ୍ତ ଫିଲ୍ମର ଏକ ସୁନ୍ଦର ପୋଷ୍ଟରକୁ ମଧ୍ୟ ସେୟାର କରିଛନ୍ତି । ଉକ୍ତ ପୋଷ୍ଟରରେ କଙ୍ଗନା ଏୟାରଫୋର୍ସ ପାଇଲଟ ରୂପରେ ନଜରକୁ ଆସିଛନ୍ତି । ପାଇଲଟ ଅବତାରରେ କଙ୍ଗନା ତେଜସ ସହିତ ପୋଜ ଦେଇଥିବା ଦେଖାଯାଇଛି । ଏହି ପୋଷ୍ଟର ସେୟାର କରି କଙ୍ଗନା କହିଛନ୍ତି ଯେ, ଏହି ଫିଲ୍ମର ସୁଟିଂ ଅଫିସିଆଲି ଡିସେମ୍ବରରୁ ଆରମ୍ଭ ହେବ । ଏହି ପୋଷ୍ଟରେ କଙ୍ଗନା ଲେଖିଛନ୍ତି ଯେ, ତେଜସ ଡିସେମ୍ବରରୁ ଉଡ଼ାଣ ଭରିବ । ଏପରି ସୁନ୍ଦର କାହାଣୀର ଅଂଶୀଦାର ହୋଇ ମୁଁ ନିଜକୁ ଗର୍ବ ଅନୁଭବ କରୁଛି । ଯାହା ଆମ ସାହସି ଏୟାରପୋର୍ସ ପାଇଲଟର କାହାଣୀ । ଜୟ ହିନ୍ଦ । ଏହା ପୂର୍ବରୁ କଙ୍ଗନା ଫେବୃୟାରୀ ମାସରେ ଉକ୍ତ ଫିଲ୍ମର ପୋଷ୍ଟର ସେୟାର କରିଥିଲେ । ସେତେବେ ଲେଖିଥିଲେ, ସେ ଖୁବଶୀଘ୍ର ଇଣ୍ଡିଆନ ଏୟାରଫୋର୍ସ ପାଇଲଟ ଭୂମିକାରେ ନଜରକୁ ଆସିବେ । କଙ୍ଗନାଙ୍କ କହିବା କଥା ଉକ୍ତ ଫିଲ୍ମ ଦ୍ୱାରା ଆମ ଦେଶର ଯୁବପିଢ଼ି ଦେଶଭକ୍ତିର ପ୍ରେରଣା ପାଇବେ ।
