ଦୁଇ ଆତଙ୍କବାଦୀଙ୍କ ଆତ୍ମସମର୍ପଣ
ଦୁଇ ଆତଙ୍କବାଦୀଙ୍କ ଆତ୍ମସମର୍ପଣ
admin
4969
ଶ୍ରୀନଗର : ଜମ୍ମୁ କାଶ୍ମୀରରେ ଦୁଇ ଜଣ ଆତଙ୍କବାଦୀ ଆତ୍ମସମର୍ପଣ କରିଛନ୍ତି । ଗୁରୁବାର ରାତିରେ ସୁରକ୍ଷାବଳଙ୍କ ନିକଟରେ ଆତ୍ମସମର୍ପଣ କରିଛନ୍ତିଏହି ଦୁଇ ଆାତଙ୍କବାଦୀ । ନିକଟରେ ଏହି ଦୁଇ ଯୁବକ ଆତଙ୍କୀ ସଙ୍ଗଠନରେ ଯୋଗ ଦେଇଥିବା ବେଳେ ପରିବାରର ଅନୁରୋଧ କ୍ରମେ ମୁଖ୍ୟସ୍ରୋତକୁ ଫେରିବାର ନିଷ୍ପତ୍ତି ନେଇଛନ୍ତି । ସୋପୋରର ତୁଜାର ସରିଫ ଅଞ୍ଚଳରେ ଦୁଇ ଆତଙ୍କବାଦୀ ଲୁଚି ରହିଥିବା ନେଇ ଖବର ମିଳିବା ପରେ ସେନା ବାହିନୀ, ସିଆରପିଏଫ ଏବଂ ଜମ୍ମୁ କାଶ୍ମୀର ପୋଲିସ ପକ୍ଷରୁ ମିଳିତ ଭାବରେ କର୍ଡନ କରାଯାଇ ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା । ଆତଙ୍କବାଦୀଙ୍କ ଉପସ୍ଥିତି ସ୍ପଷ୍ଟ ହୋଇଯିବା ପରେ ଆତ୍ମସମର୍ପଣର ସୁଯୋଗ ଦେଇଥିଲେ ସୁରକ୍ଷାବଳ । ଦୁଇ ଯୁବକଙ୍କ ପରିବାର ଲୋକଙ୍କୁ ଘଟଣାସ୍ଥଳକୁ ଅଣାଯାଇଥିଲା । ପରିବାର ଲୋକଙ୍କ ଅନୁରୋଧ ପରେ ଦୁଇ ଆତଙ୍କୀ ଆତ୍ମସମର୍ପଣର ନିଷ୍ପତ୍ତି ଗ୍ରହଣ କରିଥିଲେ । ଦୁଇ ଆତଙ୍କୀଙ୍କ ନାମ ଆବିଦ ମୁସ୍ତାକ ଦର ଏବଂ ମେହରାଜୁଦିନ ଦର । ଉଭୟ ସୋପୋର ଅନ୍ତର୍ଗତ ୱଦୁରା ପାଇନ ଅଞ୍ଚଳର ବାସିନ୍ଦା ବୋଲି ଜଣାପଡିଛି । ଏହା ପୂର୍ବରୁ ଚଳିତ ମାସରେ ଆଉ ଜଣେ ଆତଙ୍କୀ ଆତ୍ମସମର୍ପଣ କରିଥିଲେ ।
