ପ୍ରଥମ ଦିନିକିଆରେ ଇଂଲଣ୍ଡକୁ ହରାଇଲା ଭାରତ

Mar 24, 2021 - 05:18 Updated: Mar 24, 2021 - 05:18

3459

ନୂଆଦିଲ୍ଲୀ: ଭାରତ ପ୍ରଥମ ଦିନିକିଆରେ ଇଂଲଣ୍ଡକୁ ୬୬ ରନରେ ପରାସ୍ତ କରିଛି । ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ଭାରତ ୫ ୱିକେଟ ବିନିମୟରେ ୩୧୭ ରନ୍ ସଂଗ୍ରହ କରିଥିଲା । ଏହାର ଜବାବରେ ଇଂଲଣ୍ଡ ୪୨.୧ ଓଭରରେ ୨୫୧ ରନ୍ କରି ଅଲ୍ ଆଉଟ ହୋଇଯାଇଥିଲା । ଅର୍ଦ୍ଧଶତକୀୟ ଇନିଂସ ଖେଳିଥିବା ଅଭିଜ୍ଞ ଓପନର ଶିଖର ଧାୱନ ପ୍ଲେୟାର ଅଫ୍ ଦ ମ୍ୟାଚ୍ ବିବେଚିତ ହୋଇଥିଲେ । ଏହି ବିଜୟ ସହ ଭାରତ ୧-୦ରେ ସିରିଜ ଅଗ୍ରଣୀ ହାସଲ କରିଛି । ଟସ୍ ଜିତି ଇଂଲଣ୍ଡ ଫିଲ୍ଡିଂ ନିଷ୍ପତି ନେଇଥିଲା । ଦୁଇ ଅଭିଜ୍ଞ ଓପନର ରୋହିତ ଶର୍ମା ଓ ଶିଖର ଧାୱନ ପ୍ରାରମ୍ଭରୁ ସତର୍କତାର ସହ ବ୍ୟାଟିଂ କରିଥିଲେ । ପ୍ରସିଦ୍ଧ କ୍ରିଷ୍ଣା ଓ କୃନାଲ ପାଣ୍ଡା ଦିନିକିଆରେ ପଦାର୍ପଣ କରିଥିଲେ । ଉଭୟ ନବାଗତ ଶ୍ରେଷ୍ଠ ପ୍ରଦର୍ଶନ କରି ଦଳର ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ । କୃନାଲ ୩୧ଟି ଲ୍ରୁ ୫୮ ରନ୍ ର ବିସ୍ଫୋରକ ଇନିଂସ ଖେଳିବା ସହ ଗୋଟିଏ ୱିକେଟ ଅକ୍ତିଆର କରିଥିଲେ । ସେହିପରି ପ୍ରସିଦ୍ଧ କି୍ରଷ୍ଣା ୪ ୱିକେଟ ନେଇଥିଲେ ।