ଫୁଲବାଣୀର ୨ଟି ଅଂଚଳ ମାଇକ୍ରୋ କଂଟେନମେଂଟ ଜୋନ

Apr 3, 2021 - 07:18 Updated: Apr 3, 2021 - 07:18

5731

ଭୁବନେଶ୍ୱର: ପୁଣି ନିଜର କାୟା ବିସ୍ତାର କରି ଚାଲିଛି କରୋନା। ଓଡ଼ିଶାରେ କରୋନା ଗ୍ରାଫ ଧୀରେ ଧୀରେ ଉପରମୁହାଁ ହେଉଛି । ଦିନକୁ ଦିନ କରୋନା ଲମ୍ବଡିଆଁ ମାରୁଛି । ଗତ କିଛି ଦିନ ହେଲା ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ରାଜ୍ୟରେ କରୋନା ଚିତ୍ର ଦିନକୁ ଦିନ ଭୟାନକ ଆଡ଼କୁ ଯାଉଛି । ବର୍ତ୍ତମାନ ସ୍କୁଲ ଓ କଲେଜରେ କରୋନା ସଂକ୍ରମିତ ଚିହ୍ନଟ ଖବର ସାମନାକୁ ଆସୁଛି । ତେବେ ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । ଫୁଲବାଣୀ ପୌରାଂଚଳରେ ୨ଟି ସ୍ଥାନକୁ ମାଇକ୍ରୋ କଂଟେନମେଂଟ ଜୋନ ଭାବେ ଘୋଷଣା କରାଯାଇଛି । ୨ ନମ୍ବର ୱାର୍ଡ ଡାକପାଲର ସ୍ୱୁଲ ସାହି ଓ ୫ ନଂ ୱାର୍ଡର ୫ଟି ଘର । ଡାକପାଲାର ସ୍କୁଲ ସାହିରୁ ୮ ଜଣ ପଜିଟିଭ ଚିହ୍ନଟ ହୋଇଥିବା ସୂଚନା ମିଳିଛି । ୫ ନଂ ୱାର୍ଡର ଗୋଟିଏ ଘରୁ ଜଣେ ଚିହ୍ନଟ ହୋଇଛନ୍ତି । ଫୁଲବାଣୀ ଜିଲ୍ଲାପାଳ ମାଇକ୍ରୋ କଂଟେନମେଂଟ ଜୋନ ଭାବେ ଘୋଷଣା କରିଛନ୍ତି ।