ବିଜେଡିର ପଦଯାତ୍ରାକୁ ତାରାଙ୍କ କଟାକ୍ଷ

Oct 2, 2020 - 07:36 Updated: Oct 2, 2020 - 07:36

2513

ଭୁବନେଶ୍ୱର: ମହାତ୍ମା ଗାନ୍ଧୀଙ୍କ ଜୟନ୍ତୀ ଅବସରରେ ବିଜେଡି ପକ୍ଷରୁ ଆଜି ଠାରୁ କରୋନା ସଚେତନତା ଅଭିଯାନ ଆରମ୍ଭ ହୋଇଛି । ବିଜେଡି ମୁଖ୍ୟାଳୟ ଠାରେ ଏହି କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି । ପ୍ରାୟ ୧ ମାସ ବା ନଭେମ୍ବର ୨ ତାରିଖ ଯାଏଁ ଏହି ଅଭିଯାନ ଚାଲିବ । ଏହି ଅବସରରେ ପ୍ରତି ୱାର୍ଡ ଓ ପଞ୍ଚାୟତସ୍ତରରେ ଜନସଚେତନତା ସୃଷ୍ଟି କରାଯିବ । ସାମାଜିକ ଦୂରତା ରକ୍ଷା ପାଳନ ସହ ମାସ୍କ ପିନ୍ଧିବାକୁ ଲୋକଙ୍କୁ ବୁଝାଯିବ । ତେବେ ବିଜେଡିର ଏହି ସଚେତନତା ପଦଯାତ୍ରାକୁ କଂଗ୍ରେସ ବିଧାୟକ ତାରା ବାହିନୀପତି କଟାକ୍ଷ କରିଛନ୍ତି । ସେ କହିଛନ୍ତି ଯେ, ନବୀନ ବାବୁ ତ ଘରୁ ବାହାରୁ ନାହାନ୍ତି । ଏହି ପରିପ୍ରେକ୍ଷୀରେ ହିଞ୍ଜିଳିରେ ଏହି କାର୍ଯ୍ୟକ୍ରମ କିଏ କରିବ । କୋଭିଡରେ କୋଟି କୋଟି ଟଙ୍କା ଆତ୍ମସାତ କରାଯାଉଛି । ଲୁଚେଇବାକୁ ସଚେତନ ନାଟକ କରାଯାଉଛି । ଲୋକେ ଯେଭଳି ଭାବେ ମରିଛନ୍ତି, ଏମାନଙ୍କ କଥା କେହି ବିଶ୍ୱାସ କରିବେନି । କୋଭିଡ ଦୁର୍ନୀତି ନେଇ ଲୋକଙ୍କ ପାଖକୁ ଯିବୁ । ଦସ୍ତଖତ ଅଭିଯାନ କରିବୁ । ଆରଟିଆଇରେ ତଥ୍ୟ ଦିଆଯାଉନି, ବିଧାନସଭାରେ ସଂଗ୍ରହ ଚାଲିଛି ବୋଲି କହୁଛନ୍ତି ବୋଲି ତାରା ପ୍ରସାଦ ବାହିନୀପତି କହିଛନ୍ତି ।