ବିଜୟରୁ ଭାରତ ଅଭିଯାନ
ବିଜୟରୁ ଭାରତ ଅଭିଯାନ
admin
6302
ଭୁବନେଶ୍ୱର: ଭାରତୀୟ ମହିଳା ହକି ଦଳ ବିଜୟରୁ ଦକ୍ଷିଣ କୋରିଆ ଗସ୍ତ ଆରମ୍ଭ କରିଛି । ଜିନଚିଅନରେ ସୋମବାର ଖେଳା ଯାଇଥିବା ଦକ୍ଷିଣ କୋରିଆ ବିପକ୍ଷ ତିନିଟିକିଆ ଦ୍ୱିପାକ୍ଷିକ ଶୃଙ୍ଖଳାର ପ୍ରଥମ ମ୍ୟାଚକୁ ଭାରତ ୨-୧ ଗୋଲ ବ୍ୟବଧାନରେ ଜିତି ନେଇଛି । ସ୍ପେନ ଓ ମାଲେସିଆ ବିପକ୍ଷରେ ଭଲ କରିବା ପରେ ଦକ୍ଷିଣ କୋରିଆ ଗସ୍ତ କରିଥିବା ଭାରତ ଦୃଢ଼ ମନୋବଳ ସହ ପଡିଆକୁ ଓହ୍ଲାଇଥିଲା । ପ୍ରଥମ କ୍ୱାର୍ଟରରେ ଏକ ପେନାଲଟି କର୍ନର ସୁଯୋଗ ହାତଛଡା କରିଥିବା ଭାରତ ୨୦ତମ ମିନିଟରେ ଲାଲରେମସିଆମିଙ୍କ ଫିଲ୍ଡ ଗୋଲ ବଳରେ ଆଗୁଆ ହୋଇ ଯାଇଥିଲା । ପ୍ରଥମାର୍ଧର ଆଗୁଆ ଥିବା ଭାରତ ୪୦ତମ ମିନିଟରେ ନଭନୀତ କୌରଙ୍କ ଗୋଲରେ ୨-୦ ଅଗ୍ରଣୀ ନେଇ ଘରୋଇ ଦଳ ଉପରେ ଚାପ ପକାଇଥିଲେ । ପୂରା ମ୍ୟାଚରେ ୫ ପେନାଲଟି କର୍ନର ସୁଯୋଗ ପାଇଥିବା ଆୟୋଜକ ଦଳ ଶେଷ କ୍ୱାର୍ଟରରେ ସିନ ହିଜିୟଙ୍ଗ (୪୮ମିନିଟ)ଙ୍କ ଗୋଲ ବଳରେ ଗୋଟିଏ ଗୋଲ ଶୁଝାଇବାକୁ ସକ୍ଷମ ହୋଇଥିଲା । ଭାରତ ଏହି ଗସ୍ତର ଦ୍ୱିତୀୟ ମ୍ୟାଚ ବୁଧବାର ଖେଳିବ ।
