ଧୋନି ଭାରତୀୟ ଦଳର ବ୍ରହ୍ମାସ୍ତ୍ର :ଆବାସ
ଧୋନି ଭାରତୀୟ ଦଳର ବ୍ରହ୍ମାସ୍ତ୍ର :ଆବାସ
admin
4802
ନୂଆଦିଲ୍ଲୀ : ପ୍ରତ୍ୟେକ ଆଇସିସି ଟୁର୍ଣ୍ଣାମେଂଟ ପୂର୍ବରୁ ଅଭିଜ୍ଞ ମହେନ୍ଦ୍ର ସିଂ ଧୋନି ଚର୍ଚ୍ଚାର ପରିଧିକୁ ଆସନ୍ତି । ଅଧିନାୟକ ଭାବେ ସେ ଭାରତକୁ ସମସ୍ତ ଆଇସିସି ଟୁର୍ଣ୍ଣାମେଂଟରେ ଚାମ୍ପିଅନ୍ କରାଇଛନ୍ତି । ସେ କ୍ୟାରିୟରର ଚତୁର୍ଥ ବିଶ୍ୱକପ୍ ଖେଳିବାକୁ ଯାଉଛନ୍ତି । ତାଙ୍କ ଉପସ୍ଥିତି ଭାରତୀୟ ଦଳ ପାଇଁ ବରଦାନ ହେବ ବୋଲି ମତ ପ୍ରକାଶ ପାଉଛି ।ପାକିସ୍ଥାନର କିମ୍ବଦନ୍ତୀ ବ୍ୟାଟ୍ସମ୍ୟାନ ଜାହିର ଆବାସ ମଧ୍ୟ ଏଥିରୁ ବାଦ ଯାଇ ନାହାନ୍ତି । ଧୋନିଙ୍କୁ ସେ ଭାରତୀୟ ଦଳର ବ୍ରହ୍ମାସ୍ତ୍ର ଆଖ୍ୟା ପ୍ରଦାନ କରିଛନ୍ତି । ଆବାସଙ୍କ ମତରେ ଭାରତୀୟ ଦଳ ନିକଟରେ ସ୍ୱତନ୍ତ୍ର ପ୍ରତିଭା ରହିଛି । ସେ ହେଉଛନ୍ତି ମହେନ୍ଦ୍ର ସିଂ ଧୋନି । ସେ ଭାରତୀୟ ଦଳର ମସ୍ତିଷ୍କ । ତାଙ୍କ ନିକଟରେ ଢେର ଅଭିଜ୍ଞତା ରହିଛି । ଏଥିସହ ସେ ମ୍ୟାଚର ପରିସ୍ଥିତିକୁ ସହଜରେ ବୁଝି ପାରନ୍ତି । ଧୋନିଙ୍କ ଉପସ୍ଥିତି କୋଚ ଓ ଅଧିନାୟକଙ୍କ ଚିନ୍ତା ମୁକ୍ତ କରିବ । ଅଧିନାୟକ ବିରାଟ କୋହଲି ଭାରତକୁ ବିଶ୍ୱକପ୍ ଜିତାଇବାକୁ ସ୍ୱପ୍ନ ଦେଖୁଥିବେ । ଧୋନି ତାଙ୍କୁ ଏଥିରେ ସହାୟତା କରିବେ ।
