ମୁରଲୀଙ୍କ ଆତ୍ମଜୀବନୀରେ ସଚିନ
ମୁରଲୀଙ୍କ ଆତ୍ମଜୀବନୀରେ ସଚିନ
admin
3324
ନୂଆଦିଲ୍ଲୀ : ଶ୍ରୀଲଙ୍କାର କିମ୍ବଦନ୍ତୀ ସ୍ପିନର ମୁଥୟା ମୁରଲୀଧରଙ୍କ ଆତ୍ମଜୀବନୀକୁ ନେଇ ପ୍ରସ୍ତୁତ ହେବାକୁ ଥିବା ଚଳଚ୍ଚିତ୍ରରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ଦେଖିବାକୁ ମିଳିବ । ଚଳଚ୍ଚିତ୍ର ପ୍ରୟୋଜନକାରୀ ସଂସ୍ଥା ଜିଏଆର ମୋସନ ଏହି ସୂଚନା ଦେଇଛି । ସଚିନ ଏଥିରେ ମୁରଲୀଙ୍କ ବିପକ୍ଷରେ ବ୍ୟାଟିଂ କରିବାର ଅଭିଜ୍ଞତାକୁ ବଖାଣିବେ । ଉଭୟ ସଚିନ ଏବଂ ମୂରଲୀଧରନ ବିଶ୍ୱ କ୍ରିକେଟର ଦୁଇ ମହାନ ତାରକା । ଉଭୟଙ୍କ ନାଁରେ ଏକାଧିକ ବିଶ୍ୱ କୀର୍ତ୍ତିମାନ ରହିଛି । ସଚିନ୍ ବିଶ୍ୱର ଅଗ୍ରଣୀ ରନ୍ ସଂଗ୍ରହକାରୀ ହୋଇଥିଲା ବେଳେ ମୁରଲୀ ହେଉଛନ୍ତି ଅଗ୍ରଣୀ ୱିକେଟ୍ ଦଖଲକାରୀ । ଉଭୟ ଅତୀତରେ ପରସ୍ପରର ପ୍ରମୁଖ ପ୍ରତିଦ୍ୱନ୍ଦ୍ୱୀ ଥିଲେ । ଏହି ଚଳଚ୍ଚିତ୍ରରେ ମୁରଲୀଙ୍କ ପିଲାଦିନର ସଂଘର୍ଷ , ପରିବାର ରାଜନୈତିକ ସମ୍ପର୍କ ବିବାଦ ଏବଂ ପ୍ରତିଦ୍ୱନ୍ଦ୍ୱୀଙ୍କ ବିଷୟରେ ସମ୍ପୂର୍ଣ୍ଣ ବିବରଣୀ ରହିବ । ସଚିନଙ୍କ ଛଡ଼ା ଅର୍ଜ୍ଜୁନ ରଣତୁଙ୍ଗା, ଅରବିନ୍ଦ ଡି ସିଲଭା, ରୋଶନ ମହାନାମା, ହାସନ ତିଲକରତ୍ନେ, ସନଥ ଜୟସୁରିଆ, ଲସିଥ ମାଲିଙ୍ଗା, ରିକି ପଣ୍ଟିଂ, ଅମ୍ପାୟାର ତାରେଲ ହେୟାର ମଧ୍ୟ ଅତିଥି କଳାକାର ଭାବେ ଦେଖାଯିବେ । ୧୯୯୫ରେ ମୁରଲୀଙ୍କୁ ନୋ’ବଲ୍ ଡାକି ଅମ୍ପାୟାର ହେୟାର ବେଶ୍ ଚର୍ଚ୍ଚିତ ହୋଇଥିଲେ । ଏହି ବିବାଦ ନେଇ ବିଶ୍ୱ କ୍ରିକେଟ ଦୁଇଫାଳ ହେବା ଦ୍ୱାରା ଦେଶରେ ଥିଲା । ମୁରଲୀଙ୍କ ଭାରତୀୟ ପତ୍ନୀ ମଧ୍ୟ ତାଙ୍କ ବ୍ୟକ୍ତିଗତ ଜୀବନରେ ଅନେକ ରୋଚକ କଥା ଉପରୁ ପରଦା ଉଠାଇବେ ।
