ମୋନାଲିସା ସାହିତ୍ୟ ସଂସଦ ତରଫରୁ ଅନ୍ନପୂର୍ଣ୍ଣା ନନ୍ଦଙ୍କ ସ୍ମୃତିସଭା
ମୋନାଲିସା ସାହିତ୍ୟ ସଂସଦ ତରଫରୁ ଅନ୍ନପୂର୍ଣ୍ଣା ନନ୍ଦଙ୍କ ସ୍ମୃତିସଭା
admin
1797
ପାରାଦ୍ୱୀପ :(ଲକ୍ଷ୍ମୀନାରାୟଣ ସାହୁ) : ବଡପଡିଆସ୍ଥିତ ପୋର୍ଟ ୱାର୍କର୍ସ ୟୁନିୟନ କାର୍ଯ୍ୟାଳୟ ପରିସରରେ ମୋନାଲିସା ସାହିତ୍ୟ ସଂସଦ ତରଫରୁ ଗୀତିକବି ୰ଅନ୍ନପୂର୍ଣ୍ଣା ନନ୍ଦଙ୍କ ସ୍ମୃତିସଭା ପାଳିତ ହୋଇଯାଇଛି । ଶ୍ରୀମତୀ ନନ୍ଦଙ୍କ ଏକାଦଶାହ ତିଥି ଅବସରରେ ତାଙ୍କର ସାରସ୍ୱତ ପ୍ରତିଭା ଓ ସେବାପରାୟଣତା ସମ୍ପର୍କରେ ଆଲୋଚନା କରାଯାଇଥିଲା । ଉକ୍ତ ସଭାରେ ପ୍ରାଧ୍ୟାପକ ସୁବାସ ଚନ୍ଦ୍ର ବିଶ୍ୱାଳ, ଶ୍ରୀମନ ମିଶ୍ର, ଡ. କୈଳାସ ଚନ୍ଦ୍ର ମହାରଣା , ଅନନ୍ତ କୁମାର ଦାସ , ଅକ୍ଷୟ କୁମାର ରାଉତ ଓ ଗଗନ ବିହାରୀ ସାହୁ ପ୍ରମୁଖ ଯୋଗଦେଇ ଶ୍ରୀମତୀ ନନ୍ଦଙ୍କର ବହୁମୂଲ୍ୟ ପ୍ରତିଭା ସମ୍ପର୍କରେ ବିଷଦ ଆଲୋଚନା କରିଥିଲେ । ଏଥିସହ ସଂଜୀବ କୁମାର ମିଶ୍ର, ପ୍ରକାଶ ଚନ୍ଦ୍ର ଦାଶ , ରମେଶ ଚନ୍ଦ୍ର , କୌଶଲ୍ୟା ମହାନ୍ତି , ତୁଳସୀ ବରାଳ , ପ୍ରେମଲତା ବାରିକ , ନାରାୟଣ ବେହେରା, , ଗୀତା ଦାସ , ରଜନୀ ମିଶ୍ର, ଉର୍ମିଳା ମହାନ୍ତି , ସଂଯୁକ୍ତା ସ୍ୱାଇଁ ପ୍ରମୁଖ ଶ୍ରୀମତୀ ଅନ୍ନପୂର୍ଣ୍ଣା ନନ୍ଦଙ୍କର ସାରସ୍ୱତ ସୃଷ୍ଟି, ପାରାଦ୍ୱୀପ ସାକ୍ଷରତା ସମିତିରେ ତାଙ୍କର ଦୀର୍ଘଦିନର ଦକ୍ଷତା ପ୍ରତିପାଦନ ସହ ପାରାଦ୍ୱୀପ ମାଟିରେ ସୃଷ୍ଟି କରିଥିବା ବଳିଷ୍ଠ ସମ୍ପର୍କର ସେତୁ ତଥା ତାଙ୍କର ମହାନ ଗୁଣ ସମ୍ପର୍କରେ ଆଲୋଚନା କରିବା ସହ ଛାଡିଯାଇଥିବା ତାଙ୍କର ବଳିଷ୍ଠ ସ୍ମୃତି ଚାରଣ କରାଯାଇଥିଲା । ଉକ୍ତ ସ୍ମୁତିସଭାକୁ ମୋନାଲିସା ସାହିତ୍ୟ ସଂସଦର ସଂପାଦିକା ସଂଘମିତ୍ରା ସ୍ୱାଇଁ ପରିଚାଳନା କରିଥିଲେ ।
