ଯବାନ ଅନିସଙ୍କୁ ୧୦ ଲକ୍ଷ ସହାୟତା ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଯବାନ ଅନିସଙ୍କୁ ୧୦ ଲକ୍ଷ ସହାୟତା ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
admin
3843
ଦିଲ୍ଲୀ ଦଙ୍ଗାରେ ଘର ପୋଡ଼ିଯାଇଥିବା ବିଏସଏଫ ଯବାନ ମହମ୍ମଦ ଅନିସଙ୍କ ସହାୟତା ପାଇଁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ୧୦ ଲକ୍ଷ ଟଙ୍କା ମଞ୍ଜୁର କରିଛନ୍ତି । ଦିଲ୍ଲୀ ଦଙ୍ଗାରେ ବିଏସଏଫ ଯବାନ ମହମ୍ମଦ ଅନିସଙ୍କ ଘରପୋଡ଼ି ଛାରଖାର ହୋଇଯିବା ପରେ ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଖବର ପାଇବା ପରେ ମହମ୍ମଦ ଅନିସଙ୍କ ସହ ମୁଖ୍ୟମନ୍ତ୍ରୀ କଥା ହୋଇଛନ୍ତି ।
ଅନିସ ଓଡ଼ିଶାର ମାଓ ପ୍ରଭାବିତ ଜିଲ୍ଲା ମାଲକାନଗିରିରେ ୯ମ ବାଟାଲିୟନରେ କାର୍ଯ୍ୟରତ ଅଛନ୍ତି । ବିଏସଏଫର ଏହି ବାଟାଲିୟନ ସ୍ୱାଭିମାନ ଅଞ୍ଚଳର ସୁରକ୍ଷାରେ ନିୟୋଜିତ ରହିଛି । ବିଶେଷକରି ଗୁରୁପ୍ରିୟା ସେତୁକୁ ସୁରକ୍ଷା ଦେଉଛି ୯ମ ବାଟାଲିୟନ । ଗତ ୨୫ ତାରିଖରେ ଯେତେବେଳେ ଦିଲ୍ଲୀର ଖଜୁରୀଖାସରେ ହିଂସାକାଣ୍ଡ ଜାରି ରହିଥିଲା ଏତିକିବେଳେ ସଂଘବଦ୍ଧ ହୋଇ ଦୁବୃର୍ତ୍ତ ତାଙ୍କ ଘରେ ପଶି ନିଆଁ ଲଗାଇଦେଇଥିଲେ । ଏଥିରେ ସଂପୂର୍ଣ୍ଣ ଘର ଛାରଖାର ହୋଇଯାଇଛି । ଘର ଭାଙ୍ଗି ଯାଇଛି । ପ୍ରାୟ ସମସ୍ତ ଆସବାବପତ୍ର ନଷ୍ଟ ହୋଇଯାଇଛି । ଆଉ କିଛି ଦିନ ପରେ ଯବାନଙ୍କ ବାହାଘର । ହେଲେ ଏପରି ଅଘଟଣ ପରେ ତାଙ୍କର ବିବାହ ବି ଘୁଞ୍ଚି ଯାଇଛି ।
ସେପଟେ ତାଙ୍କ ଘର ନିର୍ମାଣ ପାଇଁ ତାଙ୍କୁ ସହାୟତାର ହାତ ବଢ଼ାଇଛି ବିଏସଏଫ୍ । ଅନିସଙ୍କ ପିତାମାତା ଏବଂ ତାଙ୍କ ପରିବାରର ଅନ୍ୟ ସଦସ୍ୟମାନଙ୍କୁ ଭେଟିଛନ୍ତି ବିଏସଏଫ ଡେପୁଟି ଇନ୍ସପେକ୍ଟର ଜେନେରାଲ (ଡିଜି) ପୁଷ୍ପେନ୍ଦ୍ର ରାଠୋର । ସେ କହିଛନ୍ତି ସୀମା ସୁରକ୍ଷା ବଳ, ପୋଡ଼ି ଯାଇଥିବା ଘରକୁ ନିର୍ମାଣ କରିବ । ଆଉ ନୂଆ ଘରକୁ ‘ବିବାହ ଉପହାର’ ଭାବରେ ଅନିସଙ୍କୁ ହସ୍ତାନ୍ତର କରାଯିବ।
