ପ୍ରାର୍ଥୀ ହେବେନି ପୃଥ୍ୱୀବଲ୍ଲଭ :ନିରଂଜନ

Apr 3, 2019 - 08:16 Updated: Apr 3, 2019 - 08:16

6391

ଭୁବନେଶ୍ୱର: ବେଗୁନିଆରୁ କଗ୍ରେସ ପୃଥ୍ୱୀବଲ୍ଲଭ ପଟ୍ଟନାୟକଙ୍କୁ ପ୍ରାର୍ଥୀ କରିଥିଲା । ହେଲେ ପୃଥ୍ୱୀବଲ୍ଲଭ ନିର୍ବାଚନ ଲଢ଼ିବାକୁ ଆଗ୍ରହ ପ୍ରକାଶ କରୁନାହାନ୍ତି । ଏ ନେଇ ସୂଚନା ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ଫଳରେ ପ୍ରଦୀପ ସାହୁ ପ୍ରାର୍ଥୀ ହେବା ନିଶ୍ଚିତ ହୋଇଯାଇଛି । ସୂଚନାଯୋଗ୍ୟ ଯେ, କଂଗ୍ରେସରୁ ପ୍ରଦୀପ ସାହୁ ପ୍ରାର୍ଥୀ ହେବା ପାଇଁ ଆଗ୍ରହ ପ୍ରକାଶ କରିଥିଲେ । ନିରଞ୍ଜନ ମଧ୍ୟ ସମ୍ମତି ପ୍ରକାଶ କରିଥିଲେ । କିନ୍ତୁ ମଙ୍ଗଳବାର ରାତିରେ କଂଗ୍ରେସର ପ୍ରାର୍ଥୀ ତାଲିକାରେ ପୃଥ୍ୱୀବଲ୍ଲଭଙ୍କ ନାଁ ପ୍ରକାଶ ପାଇଥିଲା । ଏ ନେଇ ପ୍ରଦୀପ ଓ ତାଙ୍କ ସମର୍ଥକମାନେ ନିରଞ୍ଜନଙ୍କ ସହ ପୁନର୍ବାର ଆଲୋଚନା କରିଥିଲେ । ଅପରପକ୍ଷରେ ପୃଥ୍ୱୀବଲ୍ଲଭ ନିର୍ବାଚନ ଲଢ଼ିବା ପାଇଁ ଆଗ୍ରହୀ ନୁହଁନ୍ତି ବୋଲି ସୂଚନା ଦେଇଥିଲେ । ଫଳରେ ଗୁରୁବାର ଦିନ ପ୍ରଦୀପ କଂଗ୍ରେସରୁ ପ୍ରାର୍ଥୀପତ୍ର ଦାଖଲ କରିବେ ବୋଲି ଜଣାପଡ଼ିଛି ।