ରାଜ୍ୟରେ ଆଉ ୧୮ ମୁଣ୍ଡ ନେଲା କରୋନା : ମୃତ୍ୟୁ ସଂଖ୍ୟା ୧୦୩୦
ରାଜ୍ୟରେ ଆଉ ୧୮ ମୁଣ୍ଡ ନେଲା କରୋନା : ମୃତ୍ୟୁ ସଂଖ୍ୟା ୧୦୩୦
admin
4693
ଭୁବନେଶ୍ୱର : ରାଜ୍ୟରେ ଆଜି ୧୮ ଜଣ କରୋନା ଆକ୍ରାନ୍ତଙ୍କ ପ୍ରାଣହାନି ଘଟିଛି । ଏହା ସହିତ ରାଜ୍ୟରେ ମୃତ୍ୟୁ ସଂଖ୍ୟା ୧୦୩୦ରେ ପହଞ୍ଚିଛି । କଟକରୁ ୪ ଜଣ ଆକ୍ରାନ୍ତ ପ୍ରାଣ ହରାଇଥିବା ବେଳେ ୩ ଜଣ ବାଲେଶ୍ୱରରୁ ଏବଂ ଭୁବନେଶ୍ୱରରୁ ୨ ଜଣ ଆକ୍ରାନ୍ତ ପ୍ରାଣ ହରାଇଛନ୍ତି । ଯାଜପୁର ଏବଂ ସୁନ୍ଦରଗଡର ୨ ଜଣ ଲେଖାଏଁ ଆକ୍ରାନ୍ତ ପ୍ରାଣ ହରାଇଥିବା ବେଳେ ଖୋର୍ଦ୍ଧା, ଜଗତସିଂହପୁର, ପୁରୀ, ନବରଙ୍ଗପୁର ଏବଂ ମୟୁରଭଞ୍ଜରୁ ଜଣେ ଲେଖାଏଁ ଆକ୍ରାନ୍ତ ପ୍ରାଣ ହରାଇଛନ୍ତି ।
ବାଲେଶ୍ୱରର ତିନି ମୃତକଙ୍କ ମଧ୍ୟରେ ୬୦ ଏବଂ ୬୪ ବର୍ଷୀୟ ପୁରୁଷ ରହିଥିବା ବେଳେ ଜଣେ ୫୫ ବର୍ଷୀୟ ମହିଳା ରହିଛନ୍ତି । ଭୁବନେଶ୍ୱରରୁ ଜଣେ ୬୫ ବର୍ଷୀୟ ପୁରୁଷ ଏବଂ ୭୨ ବର୍ଷୀୟ ମହିଳା ପ୍ରାଣ ହରାଇଛନ୍ତି । ସେହିପରି କଟକର ୪ ମୃତକ ପୁରୁଷ ହୋଇଥିବା ବେଳେ ବୟସ ଯଥାକ୍ରମେ ୫୫, ୬୮, ୫୩ ଏବଂ ୬୬ ରହିଛି । ସୁନ୍ଦରଗଡରୁ ୬୫ ଏବଂ ୩୯ ବର୍ଷର ପୁରୁଷ ପ୍ରାଣ ହରାଇଛନ୍ତି । ମୟୁରଭଞ୍ଜରୁ ଜଣେ ୮୦ ବର୍ଷୀୟ ପୁରୁଷ, ନବରଙ୍ଗପୁରରୁ ୫୫ ବର୍ଷୀୟ ପୁରୁଷ, ପୁରୀରୁ ୫୩ ବର୍ଷୀୟ ମହିଳା, ଜଗତସିଂହପୁରରୁ ଜଣେ ୬୦ ବର୍ଷୀୟ ମହିଳା, ଯାଜପୁରରୁ ଜଣେ ୮୫ ବର୍ଷୀୟ ବୃଦ୍ଧ ଏବଂ ୨୮ ବର୍ଷୀୟ ମହିଳାଙ୍କ ସହିତ ଖୋର୍ଦ୍ଧାରୁ ଜଣେ ୪୦ ବର୍ଷୀୟ ମହିଳା ପ୍ରାଣ ହରାଇଛନ୍ତି ।
