ଲକଡାଉନରେ ନାବାଳିକା ଗଣଦୁଷ୍କର୍ମ ମାମଲା : ଓଟିଭି ଏମଡିଙ୍କୁ ହାଜର ପାଇଁ କ୍ରାଇମବ୍ରାଞ୍ଚର ନୋଟିସ
ଲକଡାଉନରେ ନାବାଳିକା ଗଣଦୁଷ୍କର୍ମ ମାମଲା : ଓଟିଭି ଏମଡିଙ୍କୁ ହାଜର ପାଇଁ କ୍ରାଇମବ୍ରାଞ୍ଚର ନୋଟିସ
admin
3060
ଭୁବନେଶ୍ୱର: ଲକଡାଉନ ସମୟରେ ରାଜଧାନୀରେ ନାବାଳିକା ଗଣଦୁଷ୍କର୍ମ ମାମଲାରେ ତନାଘନା ଚଳାଇଛି କ୍ରାଇମବ୍ରାଞ୍ଚ । ଓଟିଭି ପରିଚାଳନା ନିଦେ୍ର୍ଧଶିକା (ଏମଡି) ଜାଗିମଙ୍ଗତ ପଣ୍ଡାଙ୍କ ଇଓଡବ୍ଲୁ କାର୍ଯ୍ୟାଳୟରେ ହାଜର ହେବା ପାଇଁ କ୍ରାଇମବ୍ରାଞ୍ଚ ପକ୍ଷରୁ ନୋଟିସ ଜାରି କରାଯାଇଛି । ଆଜି ଦିନ ୧୧ଟାରେ ହାଜର ହେବା ଲାଗି କୁହାଯାଇଛି । ନୋଟିସ ଦେବା ଲାଗି କ୍ରାଇମବ୍ରାଞ୍ଚର ୪ ଜଣିଆ ଏକ ଟିମ ଅପରାହ୍ନରେ ଓଟିଭି କାର୍ଯ୍ୟାଳୟରେ ପହଞ୍ଚିଥିଲେ । ସେଠାରେ କର୍ମଚାରୀମାନେ ପ୍ରଥମେ ଫାଟକ ଖୋଲି ନଥିଲେ । ପରେ ଓଟିଭିର ଆସିଷ୍ଟାଣ୍ଟ ମ୍ୟାନେଜର ଏହି ନୋଟିସ ଗ୍ରହଣ କରିଥିଲେ । କ୍ରାଇମବ୍ରାଞ୍ଚ ମାମଲାର ତଦନ୍ତ ଭାର ନେବା ପରେ ଏମଡିଙ୍କ ପିଏ କୃଷ୍ଣ ବେହେରା ଓ ଅନ୍ୟ ଦୁଇ ଜଣଙ୍କୁ ଜେରା କରାଯାଇଥିଲା । ସୂଚନା ଯୋଗ୍ୟ ଯେ ଗତ ଅଗଷ୍ଟ ୩୦ରେ ନାବାଳିକାଙ୍କୁ ଗଣଦୁଷ୍କର୍ମ ନେଇ ମହିଳା ଥାନାରେ ଅଭିଯୋଗ ହେବା ପରେ ମାମଲା ରୁଜୁ ହୋଇଥିଲା । ପ୍ରାୟ ୪୦ ଦିନ ପରେ କୌଣସି ନିଷ୍କର୍ସ ନ ବାହାରିବାରୁ ଗତ ୭ ତାରିଖରେ ମାମଲା କ୍ରାଇମବ୍ରାଞ୍ଚ ହାତକୁ ଯାଇଥିଲା ।
