ଶୀତ ବସ୍ତ୍ର ଚୋରି କରି ବଜାରରେ ବିକୁଥିଲେ
ଶୀତ ବସ୍ତ୍ର ଚୋରି କରି ବଜାରରେ ବିକୁଥିଲେ
admin
3607
ଭୁବନେଶ୍ୱର : ଗୋଦାମରୁ ଶୀତବସ୍ତ୍ର ଚୋରି କରି ବଜାରରେ ବିକି୍ର କରିବା ଅଭିଯୋଗରେ ପୁଲିସ ସହିଦନଗର ଶୀତବସ୍ତ୍ର ବଜାରରୁ ୩ ଜଣଙ୍କୁ ଗିରଫ କରିଛି । ସେମାନଙ୍କଠାରୁ ଚୋରି ପୋଷାକ ଜବତ କରିଛି । ଅଭିଯୁକ୍ତମାନେ ହେଲେ ୟୁନିଟ-୩ ମସଜିଦ କଲୋନୀର ରହୁଥିବା ପଶ୍ଚିମବଙ୍ଗ ମେଦିନାପୁର ଅଞ୍ଚଳର ଶେଖ ଅବଦୁଲ (୨୫), ଟଙ୍କପାଣି ରୋଡ ଚିଲିପୋଖରୀ ଅଞ୍ଚଳର ରବି ପଟ୍ଟନାୟକ (୨୨) ଓ ନୂଆପଲ୍ଲୀ ବେହେରାସାହିର ଶଶିକାନ୍ତ ମଲ୍ଲିକ (୪୨) । ପୁଲିସ ସୂଚନା ଅନୁସାରେ ଅଭିଯୋଗକାରୀ ଶୀତବସ୍ତ୍ର ବ୍ୟବସାୟୀ ଶେଖ ଶଶିଉଲ୍ଲାଙ୍କ ଘର ୟୁନିଟ-୩ ଅଞ୍ଚଳରେ । ତାଙ୍କର ଝାରପଡ଼ାରେ ଗୋଦାମ ରହିଛି । ଗତକାଲି ଗୋଦାମ ତାଲା ଭାଙ୍ଗି ସାମଗ୍ରୀ ଚୋରି ହୋଇଥିବା ନେଇ ସେ ଲକ୍ଷ୍ମୀସାଗର ଥାନାରେ ଅଭିଯୋଗ କରିଥିଲେ । ପୁଲିସ ତଦନ୍ତ କରି ସହିଦନଗର ଶୀତବସ୍ତ୍ର ବଜାରରେ ଚଢ଼ଉ କରିଥିଲା । ଶଶିଉଲ୍ଲା ତାଙ୍କ ସାମଗ୍ରୀ ଚିହ୍ନଟ କରିଥିଲେ । ଏହା ପରେ ପୁଲିସ ଅଭିଯୁକ୍ତଙ୍କୁ ଗିରଫ କରିଥିଲା ।
