ହୃଦରୋଗ ଓ ରକ୍ତଚାପରୁ ବଂଚିବାକୁ ଚାହୁଁଛନ୍ତି କି, ତେବେ ଏହି ଦିଗ ପ୍ରତି ଧ୍ୟାନ ଦିଅନ୍ତୁ ।
ହୃଦରୋଗ ଓ ରକ୍ତଚାପରୁ ବଂଚିବାକୁ ଚାହୁଁଛନ୍ତି କି, ତେବେ ଏହି ଦିଗ ପ୍ରତି ଧ୍ୟାନ ଦିଅନ୍ତୁ ।
admin
2996
ହୃଦରୋଗ, ରକ୍ତଚାପରୁ ବର୍ତ୍ତିବାକୁ ଚାହୁଁଥିଲେ ତଥା ନିଜ ମାଂସପେଶୀକୁ ଶକ୍ତ କରିବାକୁ ଚାହୁଁଥିଲେ ନିଜ ଖାଦ୍ୟପାନୀୟ ପ୍ରତି ସତର୍କ ହେବା ଜରୁରୀ । ପିଲାଙ୍କ ଭୋଜନ ନିମନ୍ତେ ମା ମାନେ ପୋଷକ ତତ୍ତ୍ୱ ଭରପୁର ଖାଦ୍ୟତାଲିକା ପ୍ରସ୍ତୁତ କରିବା ଉଚିତ ।
ଆମେରିକା ଲାଇବ୍ରେରୀ ଅଫ ମେଡିସିନର ତଥ୍ୟ ଅନୁସାରେ କ୍ୟାଲସିୟମ ରକ୍ତଚାପ ସହିତ ଅଷ୍ଟିଓପୋରୋସିସଜନିତ ରୋଗରୁ ରକ୍ଷା କରେ । କୋଲେଷ୍ଟରଲ ସ୍ତରକୁ ନିୟନ୍ତ୍ରଣ ରଖିବାକୁ ଚାହୁଁଥିଲେ ନିୟମିତ ୧୦୦୦ ମିଲିଗ୍ରାମଯୁକ୍ତ କ୍ୟାଲସିୟମ ଭରପୁର ଖାଦ୍ୟପାନୀୟ ସେବନ କରିବା ଉଚିତ ।
ବଜାରରେ ଓ ଅନଲାଇନ ସାଇଟରେ ଏବେ ଚିଆ ସିଡ୍ସ ମିଳୁଛି । ଭଲ କମ୍ପାନୀର ଦେଖି ଏହି ସିଡ୍ସ ଆଣନ୍ତୁ । ଜଳଖିଆରେ ଖିର କିମ୍ବା ଦହି ସହ ଚିଆ ସିଡ୍ସ ମିଶାଇ ଖାଇପାରିବେ । କ୍ୟାଲସିୟମର ଅନ୍ୟତମ ଉତ୍ତମ ସ୍ରୋତ ଭାବେ ଜଣାଯାଉଥିବା ଏଇ ସିଡ୍ସରେ କ୍ୟାଲସିୟମ ଓ ଓମେଗା ଥ୍ରୀ ଏସିଡ ଭରପୁର ରହିଛି ।
ବିଭିନ୍ନ ପ୍ରକାରର ଡ୍ରାଏଫ୍ରୁଟସ ମଧ୍ୟ କ୍ୟାଲସିୟମ ଭରପୁର । ପେସ୍ତାବାଦାମ, ବାଦାମ, କିସମିସ ଇତ୍ୟାଦି ଖାଇଲେ ମଧ୍ୟ ଶରୀରକୁ ଆବଶ୍ୟକ ପରିମାଣରେ ପୋଷକତତ୍ତ୍ୱ ମିଳିଥାଏ ।
କମଳା ଫଳ ଖାଇବା ସହ ଏହାର ରସ ପ୍ରତିଦିନ ପିଇବା ସ୍ୱାସ୍ଥ୍ୟ ପାଇଁ ହିତକାରୀ । ବିଶେଷଜ୍ଞଙ୍କ ମତରେ ତ୍ୱଚା ଓ କେଶ ଉପରେ ଉତ୍ତମ ପ୍ରଭାବ ପକାଉଥିବା କମଳା ରସ ଶରୀରକୁ ଆବଶ୍ୟକ ପରିମାଣରେ କ୍ୟାଲସିୟମ ତତ୍ତ୍ୱ ଯୋଗାଇଥାଏ ।
