୫୦୦ କୋଟିର ମାନହାନି ମକଦ୍ଧମା କଲେ ଅକ୍ଷୟ
୫୦୦ କୋଟିର ମାନହାନି ମକଦ୍ଧମା କଲେ ଅକ୍ଷୟ
admin
1774
ଖିଲାଡ଼ି ଅକ୍ଷୟ କୁମାର ବିହାରର ଜଣେ ୟୁଟୁ୍ୟବର ରାସିଦ ସିଦ୍ଧିକିଙ୍କ ଉପରେ ୫୦୦ କୋଟିର ମାନହାନି ମକଦ୍ଧମା ରୁଜୁ କରିଛନ୍ତି । ସୁଶାନ୍ତ ସିଂହ ରାଜପୁତଙ୍କ ମୃତୁ୍ୟ ମାମଲାରେ ଅକ୍ଷୟଙ୍କ ନାମ ଯୋଡ଼ି ଏହି ୟୁଟୁ୍ୟବ ର ମିଛ ଖବର ପ୍ରଚାର କରୁଥିବାରୁ ତାଙ୍କ ନାମରେ ଅକ୍ଷୟ ଅଭିଯୋଗ କରିଛନ୍ତି । ସୁଶାନ୍ତ ସିଂହ ରାଜପୁତଙ୍କ ମୃତୁ୍ୟ ମାମଲାରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଓ ପୁଅ ଆଦିତ୍ୟ ଠାକରେ ଙ୍କ ନାମକୁ ଟାଣି ପୂର୍ବରୁ ମଧ୍ୟ ରାସିଦ ଗିରଫ ହୋଇ ସାରିଛନ୍ତି । ମଧ୍ୟାହ୍ନ ସୂଚନା ଅନୁଯାୟୀ ରସିଦ ଏକ ଭିଡିଓରେ କହିଥିଲେ ରିୟା ଚକ୍ରବର୍ତ୍ତୀଙ୍କୁ କାନାଡା ଫେରାର କରାଇବାରେ ଅକ୍ଷୟ ସାହାଯ୍ୟ କରିଥିଲେ । ଏଥିସହ ସୁଶାନ୍ତ ମୃତୁ୍ୟ ମାମଲା ସମ୍ପର୍କରେ ଉଦ୍ଧବ ଓ ଆଦିତ୍ୟ ଠାକରେଙ୍କ ସହ ଅକ୍ଷୟ ଏକ ଗୁପ୍ତ ବୈଠକ କରିଥିଲେ । ସେ ଭିଡିଓରେ ଆହୁରି ମଧ୍ୟ କହିଥିଲେ ଯେ ସୁଶାନ୍ତ ‘ଏମ ଏସ ଧୋନି: ଦ ଅନଟୋଲ୍ଡ ଷ୍ଟୋରି’ କରିଥିବାରୁ ଅକ୍ଷୟ ତାଙ୍କ ଉପରେ କ୍ଷୁବ୍ଧ ହୋଇଥିଲେ । ଏଭଳି ମିଛ ଓ ଭିତ୍ତିହୀନ ଖବର ପ୍ରଚାର ପ୍ରଚାର ଅଭିଯୋଗରେ ଅକ୍ଷୟ ଏହି ମାନହାନି ମକଦ୍ଧମା କରିଛନ୍ତି ।
