ଅଲମ୍ପିକସ ବିଜେତା ସୁଶୀଲ କୁମାରଙ୍କୁ ଖୋଜୁଛି ପୁଲିସ
ଅଲମ୍ପିକସ ବିଜେତା ସୁଶୀଲ କୁମାରଙ୍କୁ ଖୋଜୁଛି ପୁଲିସ
admin
5563
ନୂଆଦିଲ୍ଲୀ:ଗତ ମଙ୍ଗଳବାର ଦିଲ୍ଲୀର ଛତ୍ରସାଳ ଷ୍ଟାଡିୟମରେ ୨୩ ବର୍ଷ ବୟସ୍କ ଯୁବ ମଲ୍ଲଯୋଦ୍ଧା ସାଗର ଧନକଡ଼ଙ୍କୁ ହତ୍ୟା କରାଯାଇଥିଲା । କିଛି ମଲ୍ଲଯୋଦ୍ଧା ମିଳିମିଶି ତାଙ୍କୁ ହତ୍ୟା କରିଥିଲେ । ଏହା ପରଠାରୁ ହତ୍ୟାକାରୀ ଏବଂ ଏହି ହତ୍ୟାକାଣ୍ଡ ପାଇଁ ଷଡଯନ୍ତ୍ର କରିଥିବା ବ୍ୟକ୍ତିଙ୍କୁ ଦିଲ୍ଲୀ ପୁଲିସ ଖୋଜିବାରେ ଲାଗିଛି । ଏହି ମାମଲାରେ ରବିବାର ୨ ଜଣ ମଲ୍ଲଯୋଦ୍ଧାଙ୍କୁ ପୁଲିସ ପଚରା ଉଚୁରା କରୁଥିବା ବେଳେ ଆଉ ୨ ଜଣଙ୍କୁ ଚିହ୍ନଟ କରିପାରିଛି । ତେବେ ଏହି ମାମଲାରେ ଅଭିଯୁକ୍ତ ମଲ୍ଲଯୋଦ୍ଧା ତଥା ଅଲମ୍ପିକସରେ ଭାରତ ପାଇଁ ୨ଟି ପଦକ ଜିତିଥିବା ସୁଶୀଲ କୁମାରଙ୍କୁ ପୁଲିସ ଖୋଜୁଛି । ଚଳିତ ମାସ ୪ ରୁ ସୁଶୀଲଙ୍କୁ ଧରିବା ପାଇଁ ପୁଲିସ ବିଭିନ୍ନ ରାଜ୍ୟରେ ଓ ବିଭିନ୍ନ ସ୍ଥାନରେ ଚଢ଼ାଉ ଚଳାଇଛି । ହେଲେ ସୁଶୀଲଙ୍କୁ ଧରିବାରେ ପୁଲିସ ସଫଳ ହୋଇପାରିନାହିଁ । ପୁଲିସ ଯେଉଁ ୨ ଜଣ ମଲ୍ଲଯୋଦ୍ଧାଙ୍କୁ ପଚରାଉଚୁରା କରୁଛି, ସେମାନେ ହେଲେ ଭାଗତୁ ଓ ରବିନ୍ଦର । ସ୍ୱର୍ଗତ ଧନକଡ଼ ଓ ତାଙ୍କ ବନ୍ଧୁ ସୋନୁଙ୍କ ଥିବା ଜାଣିବାକୁ ମିଳିଥିବା ବେଳେ ରବିନ୍ଦର ଓ ଅନ୍ୟ ଜଣେ ଅଭିଯୁକ୍ତ ଅମିତ ଏକ କାରରେ ଛତ୍ରସାଳ ଷ୍ଟାଡିୟମ ମଧ୍ୟକୁ ପ୍ରବେଶ କରିଥିଲେ । ରବିନ୍ଦର ଷ୍ଟାଡିୟମ ମଧ୍ୟରେ ରହୁଥିବା ବେଳେ ଭାଗତୁ ଷ୍ଟାଡିୟମ ନିକଟରେ ରହୁଥିଲେ । ଧନକଡ଼ ଓ ସୋନୁ ଏହା ପାଖରେ ଏକ ଫ୍ଲାଟ ଭଡ଼ାରେ ନେଇ ରହୁଥିଲେ । ରବିବାର ଜେରା ବେଳେ ପୁଲିସକୁ ରବିନ୍ଦର କହିଛନ୍ତି ଯେ ଉକ୍ତ ଘଟଣା ଦିନ ସୁଶୀଲ କୁମାର ତାଙ୍କୁ ମାଡ଼ ମାରିଥିଲେ ଏବଂ ଷ୍ଟାଡିୟମ ବାହାରକୁ ବାହାର କରି ଦେଇଥିଲେ ।
