ଆଇଏସଏଲ-୭: ଆଜି ଗୋଆକୁ ଭେଟିବ ଓଡ଼ିଶା ଏଫସି

Dec 12, 2020 - 11:44 Updated: Dec 12, 2020 - 11:44

5331

ଭୁବନେଶ୍ୱର: ଓଡ଼ିଶା ଏଫସି ଚଳିତ ଆଇଏସଏଲ-୭ରେ ଆଜି ଏଫସି ଗୋଆକୁ ଭେଟିକାୁ ଯାଉଛି । ଏହି ମ୍ୟାଚ ଗୋଆର ବାମ୍ବୋଲିମରେ ଜିଏମସି ଷ୍ଟାଡିୟମରେ ଖେଳାଯିବ । ମ୍ୟାଚ ସନ୍ଧ୍ୟା୭.୩୦ ରେ ଆରମ୍ଭ ହେବ । ଓଡ଼ିଶା ଏଫସି ଚଳିତ ସିଜିନରେ ଏ ପର୍ଯ୍ୟନ୍ତ ବିଜୟ ଖାତା ଖୋଲି ପାରିନାହିଁ । ୪ଟି ମ୍ୟାଚ ଖେଳି ସାରିଥିବା ବେଳେ ମାତ୍ର ଗୋଟିଏ ମ୍ୟାଚ ଡ୍ର ରଖି ୧ ପଏଣ୍ଟ ପାଇଛି । ପଏଣ୍ଟ ତାଲିକାରେ ଏବେ ଦଳ ୧୦ ନମ୍ବର ସ୍ଥାନରେ ରହିଛି । ଗତ ୪ଟି ମ୍ୟାଚରୁ ଓଡ଼ିଶାର ଯୁବ ଦଳ କେବଳ ଜାମସେଦପୁର ଏଫସି ବିପକ୍ଷରେ ଉନ୍ନତ ପ୍ରଦର୍ଶନ କରିଥିଲା । ଏହି ମ୍ୟାଚ ୨-୨ ଗୋଲରେ ଅମୀମାଂସିତ ରହିଥିଲା । କିନ୍ତୁ ଅନ୍ୟ ୩ଟି ମ୍ୟାଚରେ ଗୋଲ ଖାତା ଖୋଲି ନ ପାରି ପରାଜିତ ହୋଇଛି । ହାଇଦ୍ରାବାଦ ବିପକ୍ଷରେ ୧-୦, ଏଟିକେ ମୋହନ ବାଗାନ ବିପକ୍ଷରେ ୧-୦ ଏବଂ ପୂର୍ବ ମ୍ୟାଚରେ ମୁମ୍ବାଇ ସିଟିଏଫସି ବିପକ୍ଷରେ ୨-୦ ଗୋଲରେ ପରାଜିତ ହୋଇଥିଲା । ସପ୍ତମ ସଂସ୍କରଣ ପାଇଁ ଦଳରେ ବହୁ ପରିବର୍ତ୍ତନ କରାଯାଇଛି । ବହୁ ବିଦେଶୀ ଓ ଘରୋଇ ଯୁବ ଖେଳାଳୀଙ୍କ ସହ କ୍ଲବ ଚୁକ୍ତି କରିଛି ।