ଆଇପିଏସ ଦେବାଶିଷ ପାଣିଗ୍ରାହୀଙ୍କ ମରଶରୀର କଟକରେ ପହଞ୍ଚିଲା
ଆଇପିଏସ ଦେବାଶିଷ ପାଣିଗ୍ରାହୀଙ୍କ ମରଶରୀର କଟକରେ ପହଞ୍ଚିଲା
admin
ଭୁବନେଶ୍ୱର: ଆଇପିଏସ ଦେବାଶିଷ ପାଣିଗ୍ରାହୀଙ୍କ ମରଶରୀର କଟକରେ ପହଞ୍ଚିଥିବା ଜଣାଯାଇଛି । ତାଙ୍କ ମରଶରୀରକୁ କୋଲକାତାରୁ ସଡ଼କ ପଥରେ କଟକ ଅଣାଯାଇଛି । କଟକସ୍ଥ ସରକାରୀ ବାସଭବନରେ ତାଙ୍କ ମରଶରୀରକୁ ରଖାଯାଇଥିବାବେଳେ ବହୁ ବିଶିଷ୍ଟ ବ୍ୟକ୍ତି ତାଙ୍କ ଶେଷ ଦର୍ଶନ କରୁଛନ୍ତି । ଖାନନଗର ଶ୍ମଶାନରେ ଦେବାଶିଷଙ୍କ ଶେଷକୃତ୍ୟ ସମ୍ପନ୍ନ କରାଯିବ ବୋଲି ସୂଚନା ମିଳିଛି ।
ସୂଚନା ମୁତାବିକ, ରାଜ୍ୟ ଭିଜିଲାନ୍ସ ନିର୍ଦ୍ଦେଶକ, ବରିଷ୍ଠ ଆଇପିଏସ୍ ତଥା ବିଶିଷ୍ଟ ଗାଳ୍ପିକ ଡ. ଦେବାଶିଷ ପାଣିଗ୍ରାହୀ ଆଉ ନାହାନ୍ତି । କରୋନାରେ ଆକ୍ରାନ୍ତ ହୋଇ ଗୁରୁତର ଅସୁସ୍ଥ ଅବସ୍ଥାରେ କୋଲକାତାସ୍ଥିତ ମେଡିକା ସୁପର୍ ସ୍ପେସାଲ୍ ହସ୍ପିଟାଲ୍ରେ ସେ ଚିକିତ୍ସିତ ହେଉଥିଲେ । ତାଙ୍କୁ ଏକ୍ମୋ ସପୋର୍ଟରେ ରଖାଯାଇଥିଲା। ଶୁକ୍ରବାର ରାତି ପ୍ରାୟ ୧୦ଟା ୧୫ରେ ଡ. ପାଣିଗ୍ରାହୀ ଶେଷନିଃଶ୍ୱାସ ତ୍ୟାଗ କରିଥିଲେ । ପୁଲିସ ପ୍ରଶାସନର ବରିଷ୍ଠ ପଦାଧିକାରୀ ତଥା ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ବିଶିଷ୍ଟ ଗାଳ୍ପିକ ଡ. ପାଣିଗ୍ରାହୀଙ୍କ ଦେହାନ୍ତ ଖବର ପ୍ରଚାରିତ ହେବା ପରେ ସମଗ୍ର ରାଜ୍ୟରେ ଶୋକ ଖେଳିଯାଇଛି । ପ୍ରଶାସନିକ ଅଧିକାରୀ, ପୁଲିସ ଅଧିକାରୀ ଓ ସାହିତ୍ୟିକ ମହଲରେ ଏକରକମ ସ୍ତବ୍ଧତା ଛାଇଯାଇଛି ।
