ଆଜି ଜନ୍ମାଷ୍ଟମୀ: ପୁଲିସ ଛାଉଣୀରେ କନ୍ଧମାଳ

Aug 23, 2019 - 04:54 Updated: Aug 23, 2019 - 04:54

4019

ଫୁଲବାଣୀ: ଆଜି ଜନ୍ମାଷ୍ଟମୀ ଏଥିନିମନ୍ତେ ସମଗ୍ର କନ୍ଧମାଳରେ ଗାଁରୁ ସହର ସବୁଠି ଉତ୍ସବ ମୁଖର । ଏଥିସହ ଜଲେଶପଟା ଓ ଚକାପାଦ ଆଶ୍ରମରେ ସ୍ୱାମୀ ଲକ୍ଷ୍ମଣାନନ୍ଦଙ୍କ ୧୧ ବର୍ଷ ପୂର୍ତ୍ତି ଶ୍ରାଦ୍ଧ ଉତ୍ସବ ପାଳନ ହେବ । ବିଭିନ୍ନ ସଂଗଠନ ପକ୍ଷରୁ ମଧ୍ୟ ଲକ୍ଷ୍ମଣାନନ୍ଦଙ୍କ ନିମନ୍ତେ ଶ୍ରଦ୍ଧାଞ୍ଜଳୀ ସଭା ଆୟୋଜନ କରାଯାଇଛି । ସୂଚନା ଅନୁସାରେ ଏହାକୁ ଦୃଷ୍ଟିରେ ରଖି ପ୍ରଶାସନ ଓ ପୁଲିସ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ଆସନ୍ତାକାଲି ଜନ୍ମାଷ୍ଟମୀ ପାଇଁ କନ୍ଧମାଳ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ପୁଲିସ ଛାଉଣୀରେ ସମଗ୍ର କନ୍ଧମାଳ ରହିଛି । ଅଜଣା ଲୋକଙ୍କ ଉପରେ କଡ଼ା ନଜର ରହିବା ସହ ମାଓବାଦୀଙ୍କ ଗତିବିଧି ଉପରେ ନଜର ରଖାଯାଇଛି । ମାଓ ଇଲାକାରେ କମ୍ବିଂ ଅପରେସନକୁ ଜୋରଦାର କରାଯାଇଛି । ବିଶେଷତଃ ତୁମୁଡ଼ିବନ୍ଧ ଜଲେଶପଟା ଆଶ୍ରମ ଓ ଚକାପାଦ ଆଶ୍ରମ ପରିସର ଓ ବାହାରେ ବ୍ୟାପକ ପୁଲିସ ମୁତୟନ କରାଯାଇଛି । ଏହା ବାଦ ପଦସ୍ଥ ପୁଲିସ ଅଧିକାରୀ ୨ ଆଶ୍ରମରେ ରହି ତଦାରଖ କରୁଛନ୍ତି । ଏହି ଦିନରେ ଶାନ୍ତିଶୃଙ୍ଖଳାର ବଜାୟ ରଖିବାକୁ କନ୍ଧମାଳର ଜନସାଧାରଣଙ୍କୁ ଏସପି ପ୍ରତୀକ ଗୀତା ସିଂ ନିବେଦନ କରିଛନ୍ତି ।