ଆସାମର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ହିମନ୍ତ ବିଶ୍ୱଶର୍ମା
ଆସାମର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ହିମନ୍ତ ବିଶ୍ୱଶର୍ମା
admin
3921
ଆସାମ: ଆସାମର ମୁଖ୍ୟମନ୍ତ୍ରୀଭାବେ ହିମନ୍ତ ବିଶ୍ୱଶର୍ମା ସୋମବାର ଶପଥ ଗ୍ରହଣ କରିଛନ୍ତି । ଏନେଇ ଶଙ୍କରଦେବ କଳାକ୍ଷେତ୍ରରେ ଶପଥଗ୍ରହଣ ସମାରୋହ ଅନୁଷ୍ଠିତ ହୋଇଥିଲା । ଏହି ଅବସରରେ ହିମନ୍ତ ବିଶ୍ୱଶର୍ମାଙ୍କୁ ରାଜ୍ୟପାଳ ପଦ ଓ ଗୋପନୀୟତାର ଶପଥ ପାଠ କରାଇଥିଲେ । ଶପଥ ସମାରୋହରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ଉପସ୍ଥିତ ଥିଲେ ।
ପ୍ରକାଶ ଯେ, ଗତ ବିଧାନସଭା ନିର୍ବାଚନରେ ଆସାମରେ ବିଜେପିକୁ ୬୦ ଆସନ ମିଳିଥିଲା । ଅପରପକ୍ଷରେ ଏହାର ସହଯୋଗୀ ଦଳଗୁଡ଼ିକ ମଧ୍ୟ ନିର୍ବାଚନରେ ସଫଳ ହୋଇଥିଲେ । ଏନଡ଼ିଏକୁ ୭୫ ଆସନ ମିଳିଥିବାବେଳେ ଉପାକୁ ୫୦ ଆସନରେ ସନ୍ତୁଷ୍ଟ ରହିବାକୁ ପଡ଼ିଥିଲା । ତେବେ ଅନ୍ୟ ସବୁ ରାଜ୍ୟରେ ନୂଆ ମୁଖ୍ୟମନ୍ତ୍ରୀମାନେ ଶପଥ ନେଇ ସାରିଥିବାବେଳେ ଆସାମରେ କିନ୍ତୁ ଅଙ୍କ ଛିଣ୍ଡିପାରିନଥିଲା ।
ହେମନ୍ତ ବିଶ୍ୱ ଶର୍ମା ଏକଦା କଂଗ୍ରେସର ଜଣେ ଟାଣୁଆ ନେତା ଥିଲେ । ୨୦୧୬ ବିଧାନସଭା ନିର୍ବାଚନ ପୂର୍ବରୁ ସେ ବିଜେପିରେ ଯୋଗଦେଇଥିଲେ । ଯାହାଫଳରେ ବିଜେପି ବେଶ ଶକ୍ତିଶାଳୀ ହୋଇପାରିଥିଲା । ଆସାମରେ ପ୍ରଥମ ଥର ପାଇଁ ଐତିହାସିକ ବିଜୟ ହାସଲ କରିବା ପରେ ସମସ୍ତେ ଭାବୁଥିଲେ ହିମନ୍ତ ବିଶ୍ୱଶର୍ମା ହିଁ ମୁଖ୍ୟମନ୍ତ୍ରୀ ହେବେ । ତେବେ ତାଙ୍କୁ ସ୍ୱାସ୍ଥ୍ୟମନ୍ତ୍ରୀ ପଦରେ ହିଁ ସନ୍ତୁଷ୍ଟ ହେବାକୁୁ ପଡ଼ିଥିଲା । କିନ୍ତୁ ଏଥର ଆସାମର ମୁଖ୍ୟମନ୍ତ୍ରୀଭାବେ ହିମନ୍ତ ବିଶ୍ୱଶର୍ମା ସୋମବାର ଶପଥ ଗ୍ରହଣ କରିଛନ୍ତି
