ଉପନିର୍ବାଚନ ୨୦୨୦ : ଜାଣନ୍ତୁ କିଏ ରହିଛି ଆଗରେ
ଉପନିର୍ବାଚନ ୨୦୨୦ : ଜାଣନ୍ତୁ କିଏ ରହିଛି ଆଗରେ
admin
4902
ନୂଆଦିଲ୍ଲୀ : ବିହାର ବିଧାନସଭା ସହିତ ଦେଶର ୧୧ଟି ରାଜ୍ୟର ୫୮ଟି ବିଧାନସଭା ଆସନ ପାଇଁ ଉପନିର୍ବାଚନ ହୋଇଥିଲା । ତେବେ ଏବେ ସୁଦ୍ଧା ମିଳିଥିବା ସୂଚନା ଅନୁସାରେ ୫୮ଟି ଆସନରେ ବିଜେପି ୪୪ଟି ଆସନରେ ଅଗ୍ରଣୀ ଥିବାବେଳେ କଂଗ୍ରେସ ୯ଟି ଆସନରେ ଆଗୁଆ ରହିଛି । ମଧ୍ୟପ୍ରଦେଶରେ ବିଜେପି ୨୮ଟି ଆସନରୁ ୨୧ଟି ଆସନରେ ଆଗୁଆ ରହିଥିବାବେଳେ ମଣିପୁରରେ ୪ଟି ଆସନରେ ବିଜୟୀ ହୋଇଛି ବିଜେପି । ସେହିପରି ଗୁଜୁରାଟରେ ୮ଟି ଆସନରେ ଉପନିର୍ବାଚନ ଅନୁଷ୍ଠିତ ହୋଇଥିବାବେଳେ ଏଠାରେ ତିନୋଟି ଆସନରେ ବିଜେପି ବିଜୟୀ ହୋଇଥିବାବେଳେ ଅନ୍ୟ ୫ଟି ଆସନରେ ଆଗୁଆ ରହିଛି । କର୍ଣ୍ଣାଟକର ଦୁଇଟି ଯାକ ଆସନରେ ବିଜେପି ବାଜିମାତ୍ ମାରିଛି ।
ହରିୟାଣାରେରେ ବିଜେପି ପ୍ରାର୍ଥୀ ଯୋଗେଶ୍ବର ଦତ୍ତଙ୍କୁ ହରାଇଛନ୍ତି କଗ୍ରେସ ପ୍ରାର୍ଥୀ ଇନ୍ଦୁ ରାଜ ନରଓ୍ବାଲ । ତେବେ ତେଲେଙ୍ଗାନାରେ ବିଜେପି ବାଜି ପାରିଥିବବେଳେ ନାଗାଲାଣ୍ଡରେ ସ୍ବାଧୀନ ପ୍ରାର୍ଥୀ ଆଗୁଆ ରହିଛନ୍ତି । ଓଡ଼ିଶାର ଦୁଇଟି ଆସନରେ ବିଜେଡି ବାଜି ମାରିଛି ।
ଝାରଖଣ୍ଡରେ ବିଜେପି ଓ କଂଗ୍ରେସ ଗୋଟିଏ ଗୋଟିଏ ଆସନରେ ଆଗୁଆ ରହିଛନ୍ତି । ଉତ୍ତରପ୍ରଦେଶର୭ ଟି ଆସନ ମଧ୍ୟରୁ ବିଜେପି ୬ଟିରେ ଆଗୁଆ ଥିବାବେଳେ ଗୋଟିଏ ଆସନରେ ସପା ଆଗୁଆ ରହିଛି । ସମସ୍ତ ୮ଟି ଯାକ ଆସନରେ ବିଜେପି ଆଗୁଆ ରହିଛି । ସେହିପରି ଉତ୍ତରପ୍ରଦେଶରେ ୬ଟି ଆସନରେ ଆଗୁଆ ରହିଛି ବିଜେପି। କର୍ଣ୍ଣାଟକରେ ଦୁଇଟି ଯାକ ଆସନରେ ବିଜେପି ବାଜି ମାରି ନେଇଥିବାବେଳେ ତେବେ ହରିୟାଣାରେ ବିଜେପି ହାରିଯାଇଛି । ସେହିପରି ମଣିପୁରର ୫ଟି ଆସନରେ ହୋଇଥିବା ଉପନିର୍ବାଚନରେ ବିଜେପି ଦୁଇଟି ଆସନରେ ବିଜୟୀ ହୋଇଥିବାବେଳେ ଆଉ ଦୁଇଟି ଆସନରେ ଆଗୁଆ ରହିଛି ।
