ଏସସିବି କୋଭିଡ୍ ମେଡିକାଲରେ ବେଡ୍ ସଂଖ୍ୟା ୫୦୦କୁ ବୃଦ୍ଧି

Apr 23, 2021 - 11:35 Updated: Apr 23, 2021 - 11:35

2942

ଏସସିବି କୋଭିଡ୍ ମେଡିକାଲରେ ବେଡ୍ ସଂଖ୍ୟା ୫୦୦କୁ ବୃଦ୍ଧି

ଭୁବନେଶ୍ୱର: ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି । ବଢୁଛି କରୋନାର କାୟା । ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା କଟକ ଏସସିବି କୋଭିଡ୍ କେୟାର ହସ୍ପିଟାଲ ବେଡ୍ ସଂଖ୍ୟା ୫୦୦କୁ ବୃଦ୍ଧି କରାଯାଇଛି । ନୂଆ ମେଡିସିନ ୱାର୍ଡକୁ ସମ୍ପୂର୍ଣ୍ଣ ଭାବେ କୋଭିଡ କେୟାର ହସ୍ପିଟାଲ ଘୋଷଣା କରାଯାଇଛି । ପୂର୍ବରୁ ଏସସିିବି କୋଭିଡ ହସ୍ପିଟାଲ ବେଡ୍ ସଂଖ୍ୟା ୩୧୫ ଥିଲା । ଆଗରୁ ଆଇସିୟୁ ବେଡ୍ ଥିଲା ୪୩, ଏବେ ୬୩ ହୋଇଛି । ଏସସିବି ଜରୁରୀକାଳୀନ ଅଧିକାରୀ ଭୁବନାନନ୍ଦ ମହାରଣା ସୂଚନା ଦେଇଛନ୍ତି ।