କଟକ ଜିଲ୍ଲା କଂଗ୍ରେସ ସଭାପତିଙ୍କ ଦମଦାର ଭାଷଣ, ଖୋଲି ଦେଲେ ବିଜେପି ପୋଲ
କଟକ ଜିଲ୍ଲା କଂଗ୍ରେସ ସଭାପତିଙ୍କ ଦମଦାର ଭାଷଣ, ଖୋଲି ଦେଲେ ବିଜେପି ପୋଲ
admin
6680
କଟକ : ଆଜି କଟକ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀଙ୍କ ନେତୃତ୍ୱରେ ମାହାଙ୍ଗା ନିର୍ବାଚନ ମଣ୍ଡଳରେ ବିଶାଳ ଗଣ ବିକ୍ଷୋଭ ଆାୟୋଜନ କରାଯାଇଥିଲା । ଏହି ଗଣ ବିକ୍ଷୋପରେ ବିଶାଳ ଜନସମାଗମ ହୋଇଥିଲେ । ପିପିସି ସଭାପତି ନିରଞ୍ଜନ ପଟ୍ଟନାୟକ, ମାହାଙ୍ଗା ବ୍ଲକ ଅଧ୍ୟକ୍ଷ ବେଣୁଧର ପାତ୍ର, ସ୍ଥାନୀୟ ନେତା ଦେବେନ୍ଦ ସାହୁ ପ୍ରମୁଖ୍ୟ ଏହି ଗଣ ବିକ୍ଷୋଭରେ ସାମିଲ ହୋଇଥିଲେ । ମାହାଙ୍ଗାର ବିପର୍ଯ୍ୟସ୍ତ ଆଇନ ଶୃଙ୍ଖଳା , ହତ୍ୟା ଲୁଣ୍ଠନ ବିରୁଦ୍ଧରେ ସରକାରଙ୍କୁ ଦାବି ପତ୍ର ପ୍ରଦାନ କରାଯାଇଛି ।
ଏହି ଅବସରେ ଜିଲ୍ଲା ସଭାପତି ମାନସ ଚୌଧୁରୀ ନିଜ ଅଭିଭାଷଣ ଦେଇ କହିଛନ୍ତି ଯେ , ପିିିସିସି ସଭାପତିଙ୍କ ଆହ୍ୱାନ କ୍ରମରେ ଓଡିଶା ବନ୍ଦକୁ ଆମେ ଏକ ନୂଆ ରୂପରେ ପାଳନ କରିଥିଲୁ । ରୋଡରେ ଟାୟର ଜାଳିବା ନାହିଁ । ଚକଲ୍ଲେଟ ଓ ଗୋଲାପ ଫୁଲ ଦେଇ ଲୋକଙ୍କୁ ହାତ ଯୋଡି ନିବେଦନ କରି ବନ୍ଦ ପାଳନ କରିଛୁ । ଓଡିଶା ବନ୍ଦ ପାଳନକୁ ସଫଳ କରାଇଥିବାରୁ ଆପଣ ମାନଙ୍କୁ ପିପିସି ସଭାପତିଙ୍କ ତରଫରୁ କୃତଜ୍ଞତା ଜ୍ଞାପନ କରୁଛି । କୃଷକ ଓ ଆଇନ ଶୃଙ୍ଖଳା ପାଇଁ ଆମେ ଏଠାରେ ସଭା ଡାକିଛୁ । କୃଷକଙ୍କ ପାଇଁ ୫୦୦ କ୍ୱୁଇଂଟାଲ ଟୋକନ ଦିଆଯାଇଥିଲେ ମଧ୍ୟ ୨୦୦ କ୍ୱୁଇଂଟାଲ ଧାନ ନେଇଛନ୍ତି । ଆମେ ହାତ ଯୋଡି ଅନୁରୋଧ କରୁଛୁ ଯେଉଁ କୃଷକଙ୍କ ପାଇଁ ଟୋକନ ଦିଆଯାଇଛି ସେମାନଙ୍କଠୁ ଧାନ ନିଅନ୍ତୁ ବୋଲି ଶ୍ରୀ ଚୌଧୁରୀ କହିଥିଲେ । ମଣ୍ଡିରୁ ୫୦୦ କ୍ୱୁଇଂଟାଲ ଧାନ ଉଠାଇବା ପାଇଁ ଶ୍ରୀ ଚୌଧୁରୀ କହିଛନ୍ତି । ବଳକା ଥିବା ଧାନ ନ ଉଠାଇଲେ ତହସିଦାରଙ୍କ ଶାନ୍ତିରେ ବସାଇ ଦିଆଯିବ ନାହିଁ ବୋଲି କଡା ଚେତାବନି ଦେଇଛନ୍ତି ଶ୍ରୀ ଚୌଧୁରୀ ।
ଏହା ସହିତ ମାହାଙ୍ଗାର ବିପର୍ଯ୍ୟସ୍ତ ଆଇନ ଶୃଙ୍ଖଳା ନେଇ ସ୍ୱର ଉଠାଇ ମାନସ ଚୌଧରୀ କହିଛନ୍ତି ଯେ, ମାହାଙ୍ଗାରେ ଆଇନ ଭୁଷୁଡି ପଡିଛି । ଏଠାରେ ପାଂଚ ପାଂଚ ଟା ହତ୍ୟା କରାଯାଇଛି ବୋଲି ଆରୋପ କରିଛନ୍ତି । ମାହାଙ୍ଗାରେ ଆଇନ ଶୃଙ୍ଖଳା ସୃଦୁଢ ହୋଇପାରିଲା ନାହିଁ । ମାହାଙ୍ଗାରେ ହତ୍ୟା କଲା କିଏ, ହତ୍ୟାର ଘଂଟ ଘୋଡାଇଲା କିଏ, ହତ୍ୟା କରାଯାଇଥିବା ଲୋକଙ୍କୁ ମାରିଲା କିଏ, ଆପଣ ମାନେ ସମସ୍ତେ ଜାଣିଛନ୍ତି । ଯେତେବେଳେ କୁଳମଣୀ ବରାଳଙ୍କ ହତ୍ୟା ହେଲା ତା ପରଦିନ ଆସି ଆମେ ତାଙ୍କ ଘର ଲୋକ ସହିତ ଠିଆ ହୋଇଛୁ ବୋଲି ଶ୍ରୀ ଚୌଧୁରୀ କହିଛନ୍ତି । ବିଜେପି ଜିଲ୍ଲା ସଭାପତି ପ୍ରକାଶ ବେହେରାଙ୍କ ଉପରେ ଆରୋପ ଲଦିଛନ୍ତି ଶ୍ରୀ ଚୌଧୁରୀ । ନିରଞ୍ଜନ ପଟ୍ଟନାୟକଙ୍କ ପୁଅଭଳି ପ୍ରକାଶ ବେହେରା ଥିଲେ । କଂଗ୍ରେସକୁ ବିକି ଭାଙ୍ଗି ବିଜେପିରେ ଯାଇ ମିଶିଛନ୍ତି ବୋଲି ଶ୍ରୀ ଚୌଧୁରୀ କହିଛନ୍ତି । କୁଳମଣୀ ବରାଳ ହତ୍ୟା ପାଇଁ ଅନେକ କାମ କରିଥିଲେ ବିଜେଡି ସହିତ ହାତ ମିଳାଇ ହତ୍ୟା ଘଟଣା ରହସ୍ୟକୁ ଘୋଡାଇ ଦେଛଇନ୍ତି । ପ୍ରକାଶ ବାବୁ ବିଜେଡି ନେତାଙ୍କ ଠାରୁ ପଇସା ଖାଇ ଚୁପଚାପ ବସିଛନ୍ତି ବୋଲି ଆରୋପ କରିଛନ୍ତି ମାନସ ଚୌଧୁରୀ । କୁଳମଣୀ ବରାଳ କଂଗ୍ରେସର ଥିଲେ । ତାଙ୍କ ପୁଅ କଂଗ୍ରେସରେ ମିଶିଲେ ଆମେ ଖୁସି ହେବୁ ବୋଲି ଶ୍ରୀ ଚୌଧୁରୀ କହିଛନ୍ତି ।
