କରୋନା ଭୂତାଣୁର ପ୍ରଜାତି ବିରୋଧରେ କୋଭାକ୍ସିନ ଟିକା ବେଶ ଫଳପ୍ରଦ ସାବ୍ୟସ୍ତ ହୋଇଛି
କରୋନା ଭୂତାଣୁର ପ୍ରଜାତି ବିରୋଧରେ କୋଭାକ୍ସିନ ଟିକା ବେଶ ଫଳପ୍ରଦ ସାବ୍ୟସ୍ତ ହୋଇଛି
admin
6668
ନୂଆଦିଲ୍ଲୀ: କରୋନା ଭୂତାଣୁର ବ୍ରିଟେନ ଏବଂ ଭାରତ ପ୍ରଜାତି ବିରୋଧରେ କୋଭାକ୍ସିନ ଟିକା ବେଶ ଫଳପ୍ରଦ ସାବ୍ୟସ୍ତ ହୋଇଛି ବୋଲି ଭାରତ ବାୟୋଟେକ୍ ପକ୍ଷରୁ ଜାରି ବିବୃତିରେ କୁହାଯାଇଛି । କୋଭାକ୍ସିନ ଶରୀରରେ ଏଭଳି ଏଣ୍ଟିବଡ଼ି ସୃଷ୍ଟି କରୁଛି ଯାହା କରୋନା ଭାଇରସର ସମସ୍ତ ପ୍ରଜାତିକୁ ମୁକାବିଲା କରିବାରେ ସକ୍ଷମ ହୋଇପାରୁଛି । କୋଭାକ୍ସିନ ଟିକା ନିର୍ମାତା ଭାରତ ବାୟୋଟେକ କହିଛି ଯେ ଏହି ଟିକା ଭାରତରେ ଅତି କ୍ଷୀପ୍ର ସଂକ୍ରମଣଶୀଳ ପ୍ରଜାତି ବି.୧.୧୬୭ ବିରୋଧରେ ଆଶାନୁରୂପ ପ୍ରଭାବୀ ରହିଛି । ବ୍ରିଟେନରେ କରୋନାର ବିପଜ୍ଜନକ ପ୍ରଜାତି ବି.୧.୧.୭କୁ ମଧ୍ୟ ନିଷ୍କ୍ରିୟ କରିବାରେ କୋଭାକ୍ସିନ ସଫଳ ପ୍ରମାଣିତ ହୋଇଥିବା କୁହାଯାଇଛି । କ୍ଲିନିକାଲ ସଂକ୍ରାମକ ରୋଗ ଜର୍ଣ୍ଣାଲରେ ଏ ବାବଦରେ ଅଧିକ ତଥ୍ୟ ପ୍ରକାଶିତ ହୋଇଛି । ଆଜି ଡିଆରଡିଓ ଦ୍ୱାରା ବିକଶିତ କୋଭିଡ ଔଷଧ ୨-ଡିଜି ଉପଲବ୍ଧ ହେବ । ଦିଲ୍ଲୀର ବିଭିନ୍ନ ହସ୍ପିଟାଲରେ ଏହି ଔଷଧର ୧୦ ହଜାର ମାତ୍ରା ବିତରଣ କରାଯିବ ।
