କର୍ଣ୍ଣାଟକରେ ସ୍କୁଲ ଖୋଲିବା ପରେ ୫୦ ଶିକ୍ଷକଙ୍କୁ କରୋନା
କର୍ଣ୍ଣାଟକରେ ସ୍କୁଲ ଖୋଲିବା ପରେ ୫୦ ଶିକ୍ଷକଙ୍କୁ କରୋନା
admin
2821
ବେଙ୍ଗାଲୁରୁ : କରୋନା ସଂକ୍ରମଣ ହ୍ରାସ ପାଇବା ପରେ ସ୍କୁଲ ଖୋଲିବା ନିଷ୍ପତି ରାଜ୍ୟ ସରକାରଙ୍କ ହାତକୁ ଟେକି ଦେଇଥିଲେ କେନ୍ଦ୍ର ସରକାର । କେତେକ ରାଜ୍ୟରେ ସ୍କୁଲ ଖୋଲି ସାରିଥିବାବେଳେ ଓଡ଼ିଶାରେ ବି ସ୍କୁଲ ଖୋଲିବା ନେଇ ଗାଇଡ଼ଲାଇନ ଜାରି କରାଯାଇଛି । କିନ୍ତୁ ଏସବୁ ଭିତରେ କର୍ଣ୍ଣାଟକରୁ ଖରାପ ଖବର ଆସିଛି । ସ୍କୁଲ ଖୋଲିବା ପରେ ୫୦ ଶିକ୍ଷକ କରୋନା ସଂକ୍ରମିତ ହୋଇଥିବା ଜାଣିବାକୁ ମିଳିଛି ।
ମିଳିଥିବା ସୂଚନା ଅନୁଯାୟୀ, ଗତ ଜାନୁଆରୀ ୧ରେ କର୍ଣ୍ଣାଟକ ସରକାର ସ୍କୁଲ ଖୋଲିବାକୁ ନିଦେ୍ର୍ଧଶ ଦେଇଥିଲେ । କୋଭିଡ଼ କଟକଣା, ଗୋଟିଏ ସ୍କୁଲରେ ୨୦ରୁ ଅଧିକ ଛାତ୍ରଛାତ୍ରୀ ବସି ନପାରିବା ଭଳି ନିୟମ ମଧ୍ୟ ରହିଥିଲା । ତେବେ ସ୍କୁଲ ଖୋଲିବାର ସପ୍ତାହେ ନପୂରୁଣୁ କର୍ଣ୍ଣାଟକରେ ୫୦ ଶିକ୍ଷକ ଶିକ୍ଷୟିତ୍ରୀ ସଂକ୍ରମିତ ହୋଇଥିବା ଜାଣିବାକୁ ମିଳିଛି । ଫଳରେ ଅସ୍ଥାୟୀ ଭାବେ ସବୁ ସ୍କୁଲକୁ ବନ୍ଦ କରି ଦିଆଯାଇଛି । ସ୍କୁଲ ପରିସରଗୁଡ଼ିକୁ ପୁଣି ସାନିଟାଇଜ କରାଯାଉଛି । ସେହିପରି ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ଶିକ୍ଷକ ଶିକ୍ଷୟିତ୍ରୀଙ୍କୁ କ୍ୱାରେଂଟାଇନରେ ରହିବାକୁ ନିଦେ୍ର୍ଧଶ ଦିଆଯାଇଛି । ଏହାଛଡ଼ା ସମସ୍ତଙ୍କର କୋଭିଡ଼ ପରୀକ୍ଷା କରାଯିବ । କେବଳ ରିପୋର୍ଟ ନେଗେଟିଭ ଆସିଥିଲେ ହିଁ ସ୍କୁଲ ଆସିପାରିବେ ବୋଲି ନିଦେ୍ର୍ଧଶ ଦିଆଯାଇଛି ।
