କୋଭିଡ ନେଲାଣି ୨୭୩ ଯୋଦ୍ଧା ଡାକ୍ତରଙ୍କ ଜୀବନ
କୋଭିଡ ନେଲାଣି ୨୭୩ ଯୋଦ୍ଧା ଡାକ୍ତରଙ୍କ ଜୀବନ
admin
4057
ନୂଆଦିଲ୍ଲୀ: ମହାମାରୀ କୋଭିଡ-୧୯ ବିରୋଧରେ ସମ୍ମୁଖ ଯୁଦ୍ଧ ଚଳାଇଥିବା ସ୍ୱାସ୍ଥ୍ୟ କର୍ମୀଙ୍କ ମଧ୍ୟରୁ ବର୍ତ୍ତମାନ ସୁଦ୍ଧା ୨୭୩ ଜଣ ଡାକ୍ତର ଆଖି ବୁଜି ସାରିଲେଣି । ଏପରିକି ଏଥିରେ ବେସରକାରୀ ଡାକ୍ତରଙ୍କୁ ସାମିଲ କରାଯାଇନି । ମାତ୍ର ପରିତାପର ବିଷୟ, ପରଲୋକଗତ ଡାକ୍ତରଙ୍କ ନିକଟ ସମ୍ପର୍କୀୟଙ୍କୁ ଏଯାଏ କେନ୍ଦ୍ର ସରକାରଙ୍କ ଦ୍ୱାରା ଘୋଷିତ କୋଭିଡ ଅନୁକମ୍ପାମୂଳକ ସହାୟତା ମିଳିପାରିନି । ଏ ବାବଦରେ ପ୍ରଧାନମନ୍ତ୍ରୀଙ୍କୁ ଦୁଇ ସପ୍ତାହ ତଳେ ଚିଠି ଲେଖାଯାଇଥିଲେ ବି ସରକାରଙ୍କ ପ୍ରତିକି୍ରୟା ଶୂନ ରହିଛି ବୋଲି ଭାରତୀୟ ଭେଷଜ ସଂଘ (ଆଇଏମଏ) ମହାସଚିବ ତା.ଆର.ଭି.ଅଶୋକନ ଅଭିଯୋଗ ଆଣିଛନ୍ତି ।
ସୂଚନା ଥାଉ କି କୋଭିଡ ଚିକିତ୍ସାରେ କାର୍ଯ୍ୟରତ ଥାଇ କୌଣସି ସରକାରୀ ଡକ୍ତରଙ୍କର ଏଥିପାଇଁ ମୃତୁ୍ୟ ଘଟିଲେ କେନ୍ଦ୍ର ସରକାର ସେମାନଙ୍କ ନିକଟ ସମ୍ପର୍କୀୟଙ୍କୁ ୫୦ ଲକ୍ଷ ଟଙ୍କାର ଅନୁକମ୍ପା ରାଶି ଯୋଗାଇ ଦେବେ ବୋଲି ଘୋଷଣା କରିଛନ୍ତି । ତେବେ ଏହି ବ୍ୟବସ୍ଥା ବେସରକାରୀ ଡାକ୍ତରଙ୍କ ପାଇଁ ମଧ୍ୟ ଲାଗୁ କରାଯିବ ପାଇଁ ଡା.ଅଶୋକନ ଦାବି କରିଛନ୍ତି । ମହାମାରୀ କୋଭିଡ ଯେହେତୁ ସରକାରୀ ବେସରକାରୀ ମଧ୍ୟରେ ବାଛବିଚାର ରଖେ ନାହିଁ, କ୍ଷତିପୂରଣ ଓ ସହାୟତାରେ ମଧ୍ୟ ଅନୁରୂପ ସମାନତା ବଜାୟ ରଖିବା ଉଚିତ ବୋଲି ସେ କହିଛନ୍ତି ।
